Ji çapemenî û raya giştî re!
Di demeke ku li Kurdistanê gelê me xwe gihand vîneke bilind û bi ruhê seferberiyê dest bi berxwedana neteweyî kir de hevalê me Îsyan tevlî refên têkoşînê bû . Weke milîtanekî biryardar ê vê dema dîrokî dest bi maratona azadiyê kir. Hevrê Îsyan piştî perwerdeyê li qadên herî zehmet bi wezîfeya xwe rabû. Hevrê Îsyan di 23'ê Çileyê de ji ber lêdana birûskê gihîşt şehadetê.
Nasnameya gerîlayê me wîha ye:
Nasnav: Îsyan Brûsk
Nav paşnav: Îshak Sonmez
Cihê ji dayikbûnê: Mûş
Navê dê û gav: Reyhan-Mûstafa
Dem û cihê şehadetê: 23'ê Çileya 2016 / Herêmên Parastinê yên Medyayê
Hêzên me yên gerîla, ku li çiyayên Kurdistanê di nava şert û mercên dijwar ên xwezayê de têdikoşin, bi sekneke xwedî vîneke mezin a li hemberî van zehmetiyan, soza dane gelê me û şehîdan bi cih tînin. Hevalê me Îsyan jî bi vê sekna xurt re xebat meşand, bi taybetmendiyên xwe yên kedkarî re li hemû qadên wezîfeyê bû xwedî meşeke serketî.
Em ji malbata wî ya hêja û tevahiya gelê xwe re sersaxiyê dixwazin. Weke hevrêyên wî, em gelekî bi şehadeta wî êşiyan. Li pêşberî şehadeta hevalê xwe Îsyan em ê hîn bi israr û biryardarî wezîfeyên xwe yên serdemê bi cih bînin.
28 Çile 2016
Navenda Çapemenî û Ragihandina HPG