Ji çapemenî û raya giştî re!
Êrîşên şerên qirêj ê dewleta Tirk a ku her roj li Kurdistanê berdewam dike, ji bo veşartina têkçûna artêşa xwe bi awayekî dijwar êrîşên hewayî li dar dixin.
Artêşa TC di encama bomberdûmankirinên hewayî de ti encam bi dest nexistin, vê carê jî êrîşan li hemberî cihên sivîl ên ku gundî lê dijîn dikin. Di 9’ê Adarê de artêşa Tirk gundên girêdayî Qendîl û gundên Keşan ê Heftanîn’ê bomberdûman kir.
Herêmên Cıhên Sıvîl Ê Jıyanê Yên Heftenîn’ê Tên Bomberdûmankırın
Di 9’ê Adarê de saet 20:00-00:00’an de balafirên şer ên Tirk; goristanên gundên Enzê, Qalatûka û Pirdeşalê yên girêdayî herêma Qendîl a ji Herêmên Parastinê yên Medyayê bomberdûman kir.
Di 9’ê Adarê de saet 21:00-23:00’an de balafirên şer; gundê Keşan ê girêdayî Heftanîn’ê bomberdûman kir. Di endacama bomberdûmanê de 2 malên gundiyan bi temamî hilweşiyan. Di vê êrîşê de ti ziyan negihiştin sivîlan, lê ziyanekî madî pêk hat.
Di 9’ê Adarê de saet 20:00-21:00’an de balafirên şer; herêma Kanî Reşê yê girêdayî herêma Xakûrkê ya Herêmên Parastinê yên Medyayê bomberdûman kir.
Lı Ser Xeta Sînor Bomberdûman Dıdome
Di 10’ê Adarê (îro) de saet 05:30-07:00’an de qereqola Oremar a girêdayî navçeya Gever a Colemêrg’ê; Girê Şehîd Rehîme, Şehîd Gafûr, Şehîd Egîd, Şehîd Feraşîn, Şehîd Alîşêr, Dola Bîra, Gundê Ertûş û herêma Geliyê Avaşîn, saet 06:30-07:00 qereqola Girê Sîvrî; herêma Govendê, di 9’ê Adarê de saet 12:30- 13:00’an de qereqola Mamreş; herêma Girê Ronahî bi obus, hewan û tankan bomberdûman kirin.
Di 9’ê Adarê de saet 13:00-16:00’an de qereqola Serê Sêvê ya girêdayî navçeya Çelê ya Colemêrg’ê; herêma Sirtê Çarserê û Sirtê Kûvî yê girêdayî herêma Zap’ê, di 10’ê Adarê de saet 07:00-12:30’an de qereqola Serê Sêva, Şkêr û Girê; Girê Cehenem, Çiyayê Reş, Sirtê Yekdarê, Latê Kewa, gundê Kanî Sarkê û herêma Sirtê Kûvî bi obus, hewan û tankan bomberdûman kir.
Di 9’ê Adarê de saet 14:30-19:00’an de qereqola Elemûn a li ser sînorê naçeya Qilaban a Şirnex’ê; Girê Şehîd Dîlber ê girêdayî herêma Metîna, di 10’ê Adarê de qereqola Girê Sor ê li ser sînorê Çelê yê Colemêrg’ê; herêmên Girê Şehîd Şoreş û Girê Hekarî bi obus û hewanan bomberdûman kir.
Lı Ser Herêmên Parastınê Yên Medyayê Tevgerên Hewayî
Di 9’ê Adarê de saet 12:00-15:00’an de li ser herêma Zap’ê, saet 13:00-00:00 li ser herêma Qendîl, saet 15:30- 22:30’an de li ser herêma Xakûrkê, saet 18:00-19:00’an de li ser herêma Garê, saet 19:00-23:00 li ser herêma Metîna, saet 20:00-23:00 li ser herêma Avaşîn, saet di navbera 05:30’an û 10’ê Adarê jî (îro) 05:00’an de li ser herêma Heftanîn’ê pêgerên keşfê geriyan.
Di 9’ê Adarê de saet 19:00-23:00’an li ser herêma Metîna, saet 20:00-22:30’an li ser herêma Qendîl, saet 13:30- 14:30 û di navbera 20:00 û 10’ê Adarê 03:00’an de li ser herêma Zap’ê tevgerê balefirên şer pêk hat.
10 Adar 2016
Navenda Çapemenî û Ragihandina HPG