Çapemenî û Raya Giştî Re!
Gerîlayên Azadiya Kurdistanê li dijî dagirkeriyê berxwedana xwe ya dîrokî didomînin.
Artêşa Tirk a ku nikare berxwedanê bişkîne, bi bombeyên di asta navneteweyî de hatine qedexekirin û bi çekên kîmyewî êrîş dike. Ligel van êrîşan jî hêzên me yên ku dizanin li hemberî qirkirina gelê me ew astengiya herî mezin in û bi vê berpirsyariyê şer dikin, çalakiyên xwe yên li dijî artêşa Tirk a dagirker bênavber didomînin.
Di encama çalakiyên hêzên me de; 1 dagirker hat cezakirin.
Artêşa Tirk a dagirker Qadên Berxwedanê 21 caran bi bombeyên qedexe û 11 caran jî bi çekên kîmyewî bombebaran kir. Di heman demê de 13 caran bi balafirên şer, 52 caran bi helîkopterên êrîşê, bi dehan caran jî bi obus û çekên giran Qadên Berxwedanê bombebaran kiriye.
Agahiyên li ser çalakiyên hêzên me û êrîşên dijmin wisa nin:
1. Di çarçoveya Pêngava Şoreşger ya Bazên Zagrosê de li Herêma Zapê;
– 30’ê Cotmehê saet 13.00 û 14.45’an li herêma Berxwedana Sacayê tîmên me yên bi tevger 2 caran bi çekên giran li dagirkeran xistin.
– 30’ê Cotmehê saet 14:30’î li derdora çeperên şer ên Şehîd Dogan ên Qada Berxwedana Sîda, tîmên me yên bi tevger ve bi çekên giran li dagirkeran dan.
– 30’ê Cotmehê saet 15:15’an li Qada Berxwedana Çemço tîmên me yên bi tevger bi çekên giran li dagirkeran dan. Piştî çalakiyê hêzên me li droneke dagirker a li herêmê dan û ev dron neçar ma ji qadê derkeve.
2. Di çarçoveya Pêngava Şoreşger ya Cenga Xabûre ya Şehîd Savaş Maraş de;
– 30’ê Cotmehê saet 09:00’an de dema ku dagirkeran xwestin çeperên şer ên Şehîd Sîpan ên li Qada Berxwedana Girê Amediyê bombebaran bikin, tîmên me yên bi tevger li dagirkeran dan û li vir 1 dagirker hate cezakirin.
– 30’ê Cotmehê saet 19:00’an, dema ku dagirkeran xwestin ber bi çeperên şer ên Şehîd Sîpan ên Qada Berxwedana Girê Amediyê ve werin, bi taktîkên sabotajê 2 caran li dagirkeran hate xistin.
3. Êrîşên ku artêşa Tirk a dagirker ên bi bombeyên qedexe û çekên kîmyewî kiriye;
– Di 30’ê Cotmehê de çeperên şer ên Şehîd Sîpan li Qada Berxwedanê ya Girê Amediyê 12 caran, çeperên şer ên Şehîd Pîrdogan li Qada Berxwedanê ya Girê Amediyê 3 caran, çeperên şer ên Şehîd Yunus li Qada Girê Cûdî 2 caran, çeperên şer ên Şehîd Xursî li Qada Berxwedanê ya Sacayê carekê û çeperên şer ên Şehîd Felat ên li Qada Berxwedanê ya Sîda 3 caran bi bombeyên qedexekirî hatin bombekirin.
– Di 30’ê Cotmehê de çeperên şer ên Şehîd Bahoz ên li Qada Berxwedanê ya Çemçoyê 8 caran û çeperên şer ên Şehîd Felat ên li Qada Berxwedanê ya Sîdayê jî 3 caran bi çekên kîmyewî hatin bombekirin.
4. Êrîşên ku artêşa Tirk a dagirker kiriye;
– Di 27 û 30’ê Cotmehê de qadên Golka û Serê Metîna yên Metînayê, herêma Kendekol a Xakurkê û Qadên Berxwedanê yên Girê Bihar û Girê FM 13 caran bi balafirên şer hatine bombekirin.
– Di 30’ê Cotmehê de Qadên Berxwedanê ya Serdemê ya Şehîd Fedakar, Kurojahro, Saca, Girê FM, Girê Cûdî û Girê Amediyê 52 caran bi helîkopterên êrîşê hatin bombekirin.
– Di 30’ê Cotmehê de Qadên Berxwedanê yên Çemço, Girê FM û Girê Cûdî bi dehan caran bi obus û çekên giran hatin bombekirin.
– Di 30’ê Cotmehê de artêşa Tirk a dagirker hewl da bi kepçe û kepçeyên hilweşîner çeperên şer ên li Qada Berxwedanê ya Karkerê hilweşîne.
31 ê Cotmeh a 2022
Navenda Ragihandin û Çapemeniya HPG’ê