Çapemenî û Raya Giştî Re!

Gerîlayên Azadiyê yên Kurdistanê bi performansa bilind a şer û asta bicihanîna taktîkên afirîner ên gerîla, li ber êrîşên artêşa Tirk a dagirker radibin û çalakiyên xurt lidar dixin.

Tîmên me yên bi tevger êrîşên dijmin pûç dikin û ji bo hilanîna tola fermandarên me yên nemir Bager Erdal û Rêzan Amed gelek çalakî lidar xistin.

Di encama 18 çalakiyên tîmên me yên bi tevger de 21 dagirker hatin cezakirin, helîkoptereke bi tîpa Skorsky û çeperek hatin îmhakirin. Artêşa Tirk a dagirker Qadên Berxwedanê 10 caran bi bombeyên taktîk nukleer û çekên kîmyewî, 98 caran bi helîkopterên êrîşê, 19 caran bi balafirên şer û bi dehan caran jî bi obus û hawanan bombe kirin.

Agahiyên li ser çalakiyên hêzên me wisa nin:

1. Di çarçoveya Pêngava Şoreşgerî ya Bazên Zagrosê de li Herêma Zapê;

– 3'ê Îlonê li Qada Berxwedanê ya Şehîd Fedakar a li herêma Sîda ya Zapê, bi çekên giran û sabotajê li dagirkerên ku berê xwe dabûn çeperên şer hate xistin. Di vê çalakiyê de 2 dagirker hatin cezakirin. Piştî çalakiyê dagirker neçar man bi astekê xwe vekişînin.

– Şeva 3'ê Îlonê li qada Sîda ya Zapê, helîkopter li ser Qada Berxwedanê ya Şehîd Fedakar geriyan. Di navbera hêzên me û helîkopteran de ku hewl dida dagirkeran li qadê daynin, şerekî giran qewimî. Tîmên me yên bi tevger 12 caran dest li van helîkopteran werdan. Helîkoptereke bi tîpa Skorsky a ku bi vê destwerdanê derba giran xwar, agir pê ket û dema hewl dida ji qadê biçe, li herêma Barzanê kete xwarê û tevî dagirkerên tê de îmha bû. Piştî ku helîkoptera Skorsky kete xwarê, dagirkeran 4 caran bi balafirên şer bombe li cihê ketina helîkopterê barandin.

2. Di çarçoveya Pêngava Şoreşgerî ya Bazên Zagrosê de li Herêma Xakurkê;

– 2'ê Îlonê tîmên me yên bi tevger di navbera qadên Girê Şehîd Şahan û Girê Şehîd Axîn ên Xakurkê, taktîkên afirîner bi kar anîn û bala dijmin kişandin ser vê derê. Piştre jî kemîn danîn pêşiya dagirkeran ên ber bi qadê ve hatin û 4 caran bi sabotajê li dagirkeran dan. Di vê çalakiyê de 8 dagirker hatin cezakirin. Ev çalakî ji bo hilanîna tola ji fermandarên me yên nemir hevrê Bager Erdal hate lidarxistin.

– 3'ê Îlonê saet di 09:45'an de li Qada Girê Şehîd Derwêş a Xakurkê, tîmên me yên bi tevger ên YJA Starê bi çekên giran li çeperên hawan û obusan ên dagirkeran xistin. Di vê çalakiyê de 6 dagirker hatin cezakirin, çeperek hate îmhakirin. Piştî çalakiyê li çeperên din jî teqîn çêbûn. Ev çalakî jî ji bo hilanîna tola kedkarê mezin ê profesyonelbûna gerîla fermandar hevrê Rêzan Amed hate lidarxistin.

3. Di çarçoveya Pêngava Şoreşgerî ya Şehîd Savaş Maraş a Cenga Xabûrê de

– 1'ê Îlonê saet di 07.10'an li Qada Berxwedanê ya Girê Amediyê li dijî dagirkerên li dora çeperên şer ên li Girê Şehîd Pîrdogan tîmên me yên bi tevger çalakî kirin û 3 dagirker ceza kirin.

– 3'ê Îlonê saet di 15:30'î de li Qada Berxwedanê ya Girê Amediyê li dijî dagirkeran 2 caran çalakiyên sabotajê hatin kirin û 2 dagirker hatin cezakirin.

4. Êrîşên artêşa Tirk a dagirker ên bi bombeyên taktîk nukleer û çekên kîmyewî;

– 3'ê Îlonê li Qada Berxwedanê ya Saca û Girê Amediyê, çeperên şer 10 caran bi bombeyên taktîk nukleer û çekên kîmyewî hatin bombekirin.

5. Êrîşên artêşa Tirk a dagirker;

– 3'ê Îlonê li ser Qadên Berxwedanê yên Girê FM, Girê Cûdî û Şehîd Adil drone geriyan.

– 3'ê Îlonê Qada Berxwedanê ya Girê FM bi dehan carî bi obus û hawanan hate bombekirin.

– 3'ê Îlonê Qadên Bexwedanê yên Girê Bihar, Sîda û Şehîd Fedakar û qada Golka ya Metînayê 15 caran bi balafirên şer hatin bombekirin.

– 3'ê Îlonê Qada Berxwedanê ya Şehîd Fedakar 86 caran, Qada Berxwedanê ya Girê Amediyê 12 caran bi helîkopterên êrîşê hatin bombekirin.

– 3'ê Îlonê artêşa Tirk a dagirker li Qada Berxwedanê ya Werxelê hewl da çeper û tunelên şer bi kepçeyan birûxîne.

4 ê Îlon a 2022

Navenda Ragihandin û Çapemeniya HPG’ê