Ji Çapemenî û Raya Giştî Re!
Beriya her tiştî em sersaxiyê ji xizmên kesên di teqîna li Stenbolê ya di 13’ê Mijdarê de jiyana xwe ji dest dane û ji birîndaran re jî şifaya xêrê dixwazin.
Gelê me û raya giştî ya demokratîk dizane ku tu têkiliya me bi vê bûyerê re tune, em sivîlan nakin hedef û çalakiyên li dijî sivîlan jî qebûl nakin. Em tevgereke wisa ne ku, em têkoşîneke bi heq û meşrû ya azadiyê dimeşînin. Bi perspektîfa ku em dixwazin bi civaka Tirkiyeyê re siberojeke hevpar, demokratîk, azad û wekhev ava bikin, em tevdigerin. Ji ber vê qet nabe ku em li ser zemîna Tirkiyeyê kesên sivîl bikin hedef.
Eşkere ye ku li hemberî têkoşîna me ya rewa rejîma AKP û MHP’ê ditengije. Bi taybetî ji ber ku ew çekên kîmyewî bi kar tînin û dîmenê şewitandina leşkerên wan derket holê ew teşhir bûn. Ji bo ku vê rewşê biguherînin tê dîtin ku dixwazin planeke tarî têxin meriyetê. Piştî vê bûyerê Kobanê kirine hedef û ev jî plana wan diyar dike. Dema ku mirov ji vê çarçoveyê lê binihêre, tê dîtin ku ev bûyereke tarî ye, hêmanên ku di vê bûyerê de tên bikaranîn tê îddîakirin ku Kurd an jî kesên ji Sûriyeyê ne lê ev tişt wê encamê neguherîne. Tê dîtin ku ev destpêka planeke tarî ye. Di vî warî de girîng e ku hêzên demokrasiyê yên Tirkiyeyê û raya giştî vê pêvajoya tarî bibînin, ji bo ku ev bûyer were deşîfrekirin têbikoşin.
14 Mijdar a 2022
FERMANDARİYA BİRYARGEHA NAVENDÎ YA PARASTİNA GEL