Ji çapemenî û raya giştî re!

Di 3’ê Kanûnê de li navçeya Amedê Lîcê di navbera gundê Mêrg û Mehmed Elî de ji aliyê artêşa dagirker a tirk operasyonek hatiye lidarxistin. Di heman rojê di navbera gerîla yê me û leşkerên dijmin ê derketiye operasyonê de pevçûnek qewimiye.

Pevçûna ji saet 21.00’an heta saet 04.00’an berdewam kirî de, bi dijwarî herêm ji aliyê helîkopterên kobra û maşînên bi zirxî hatiye bombekirin. Di van pevçûnan de 3 gerîla yê me bi berxwedanî şer kirine û gihîştine şahadetê. Hejmara kuştî û birîndarê dijmin ên di van pevçûnan de jî ji aliyê me ve nehatiye zelalkirin.

 

Nasnameya hevalên me yê gihîştiye şahadetê;

Nasnav: Xeyrî Durmuş Nav û paşnav: Îsa Mîraîmîlan Sal û cîhê jidayikbûnê: 1986 / Maku Navê dayik û bav: Nigar – Ferdan Sal û cihê tevlêbûnê: 2001 / Maku Dîrok û cihê şahadetê: 3 Kanûn 2011 / Lîce, Amed

Nasnav: Agît Pîro Nav û paşnav: Agît Acer Cîhê jidayikbûnê: Piran, Amed Sal û cihê tevlêbûnê: 2011 / Amed Dîrok û cihê şahadetê: 3 Kanûn 2011 / Lîce, Amed

Nasnav: Canfeda Şoreş Nav û paşnav: Tayyîp Argin Cihê jidayikbûnê: Êlih Sal û cihê tevlêbûnê: 2011 / Amed Dîrok û cihê şahadetê: 3 Kanûn 2011 / Lîce, Amed

Di vê berxwedana bi lehengî de 3 şervanê mêrxas ê gelê Kurdistanê tevlî nava karwanê şehîdan bûye. Hevalê Xeyrî yê di sala 2001’an de tevlî nava refê gerîla bûye ji Makuyê ye. Girêdana wî ji Rojhilatê Kurdistanê destpêkiri bi tevlêbûna xwe ya pîroz di qadên Bakur de tacîdar kir. Di heman pevçûnê de Hevalê Agît û Canfeda jî gihîştiye şahadetê. Ev her du heval jî ji heman herêmê tevlî nava refê gerîla bibûn. Van hevalê me xwe bi çanda berxwedanî û şiyariyê perwerde kiribûn û bi armanca serkeftineke pîroz tekoşîna xwe xwestine li çiyayên azad berdewam bikin.

Li dijî her cure êrîşên artêşa dagirker tevgera me berxwedaneke binneketiye nîşandaye, şehîdê xwe bi rêzdarî bibîr tîne û em biryardariya xwe ya layiqbûna van her sê hevalê xwe dubare dikin.

5 Kanûn 2011

Navenda Çapemenî-Ragihandin a HPG’ê