ji çapemenî û raya giştî re!

Dewleta Tirk û AKP li hember şehîdgehen me êrîşên xwe yên faşîst didomîne. Bi bêçaretî operasyonên bi tevlîbûna hezaran leşker li hember kêlên goran û mizgeftan jî pêk tînin . Di 12’ê Mijdarê de di danê sibehê de balafirên şer qadên Şehîd Welat, Kunavê, Kanî Masî, Kaniya Şkêr, Beresîh û Kacirt ên girêdayî herêma Faraşîn a Elkê ya Şirnexê bombe kirin. Bi bombardûmanê re operasyoneke bi tevlîbûna 5000 hezar leşker û cerdevanên li Colemêrgê hat destpêkirin. Hêza operasyonê çûye Şehîdgeha Şehîd Rojîn Gevda û Şehîd Mehmet Goyî gorên hevalên me yên şehîd û mizgeft xera kirin.

LI SKENDERÛNÊ 2 TÎMÊN TAYBET HATIN KUŞTIN

Ji artêşa Tirk komek tîmên taybet di  15’ê Mijdarê de saet 07.00’anli sêgoşeya Şehîd Serfîraz a girêdayî navçeya Skenderûnê ya Hatayê dest bi operasyonê kir, li hember tîmên taybet ên derketine operasyonê hêzên gerîla yên me çalakî li dar xistin, di çalakiyê de 2 tîmên taybet hatin kuştin.

BOMBERDÛMANA HEWAYÎ Û BEJAHÎ

Di 14’ê Mijdarê de saet 14.00-17.00’an qereqola Elemûn a li xeta sînorê herêma Metîna ya Herêmên Parastinê yên Medyayê; herêma Zendûra da ber obus û hawanan.

Di 15’ê Mijdarê de saet 08.00-08.30’an qereqola Êrîş a li xeta sînorê herêma Zapê; girê Xeregol, saet 14.30-15.00’an qereqola Bîlîcan; herêma Garêya Biçûk da ber obus û hawanan.

Di 14’ê Mijdarê de saet di navbera 18.00 û di 15’ê Mijdarê 15.00’an de qereqolên Tepê Yekmal û Tepê Sînek; herêma Bektorya, di 15’ê Mijdarê de saet 14.00-15.00’an qerqola Tepê Maymûn; Deriyê Davetiya û Şehîd Rênas bi obus, hawan û tankan bomberdûman kir.

Di 15’ê Mijdarê de saet 10.30-11.00’an balafirên şer, girê Şehîd Kahraman ê girêdayî herêma Zapê ya Herêmên Parastinê yên Medyayê bomberdûman kir.

Di 15’ê Mijdarê de saet 11.30-19.00’an li ser herêma Metîna, saet 12.00-15.00’an li ser herêma Heftanîn, saet di navbera 07.00 û di 16’ê Mijdarê (îro) 11.00’an li ser herêma Zapê pêgerên hewayî yên keşfê geriyan.
16 Mijdar 2015
Navenda Çapemenî û Ragihandina HPG