Ji Çapemenî û Rayagiştî Re

Di daxuyaniya xwe de ya 13'ê Hezîranê me bi raya giştî re pavekiribû ku 8'ê Hezîranê li qadên Mêrga Çepra û Mêrganê ya navendê Dersimê, dema ku artêşa TC'ê ya dagirker operasyon dabû destpêkirin, di şer de hevalên me Dîcle (Canan Çelîk), Berfîn (Mihrîban Durmaz), Havîn (Ceyda Sarikaya), Kînem (Halîde Karakûş) û Nûda (Fatma Ozgun) şehîd bûne. Agahiyên nasnameyê yên hevalên me yên şehîd wiha ne;

Nasnav: Dîcle Amed Nav û Paşnav: Canan Çelîk Cihê Jidayikbûnê: Amed Navê Dayik - Bav: Latîfe - Husnu Cih û Demê Şehadetê: Dersim / 8’ê Hezîrana 2019’an

Dicle – Canan Çelik

Nasnav: Berfîn Ararat Nav û Paşnav: Mîhrîban Durmaz Cihê Jidayikbûnê: Wan Navê Dayik - Bav: Zarîfe – Mehmet Faîk Cih û Demê Şehadetê: Dersim / 8’ê Hezîrana 2019’an

Berfin – Mihriban Durmaz

Nasnav: Havîn Tekoşîn Nav û Paşnav: Ceyda Sarikaya Cihê Jidayikbûnê: Mûş Navê Dayik - Bav: Songul - Sabahattîn Cih û Demê Şehadetê: Dersim / 8’ê Hezîrana 2019’an

Havin – Ceyda Sarıkaya

Nasnav: Kînem Amed Nav û Paşnav: Halîde Karakûş Cihê Jidayikbûnê: Amed Navê Dayik - Bav: Şanzîme - Mîkaîl Cih û Demê Şehadetê: Dersim / 8’ê Hezîrana 2019’an

Kinem – Halide Karakuş

Nasnav: Nûda Herekol Nav û Paşnav: Fatma Ozgun Cihê Jidayikbûnê: Mêrdin Navê Dayik - Bav: Nerîman – Namik Cih û Demê Şehadetê: Dersim / 8’ê Hezîrana 2019’an

Nuda – Fatma Özgün

Hevala me Dîcle ku 1983'an li Farqîn a Amedê li nav malbateke welatparêz jidayik bûyî, hê bi ciwanî faşîzma dewleta TC'ê ya li Kurdistanê dibîne.  Hevrê Dîcle ku salên ciwaniyê li metropolên Tirkiyê dibîne ku zext û mêtingeriyeke çawa li ser Kurdan dikin, bi hişmendiya welatparêzî û hezkirina li welêt dest bi têkoşînê dike. Bi vê çarçoveyê di nav xebatên ciwan û civakî de xwe pêş dixe. Bi vê tecrûbeyê sala 2004'an gava pêşî davêje çiyayên Kurdistanê û bi aktivî dikev naf refên gerîla de. Hevrê Dîcle ku bi çanda gelê xwe, şehîdan û nirxên girêdayê ye, bi salan li eniya pêş a şer mohra xwe li gelek serkeftinan datîne.

Ji Qadên Parastinê yên Medyayê heta Botanê, ji Botanê heta bi Dersimê li gelek deverên Kurdistanê dibe fermandareke aktîf a gerîla. Hevrê Dîcle hemû berpirsyarî û peywirên ku ketine ser mile wê bi çanda şoreşger a kûr rê ve biriye û bi rengekî serkeftî peywira xwe temam kiriye.

Hevalên me Berfîn, Havîn, Kînem û Nûda hê bi ciwanî tevlî nav refên azadiyê bûne û di demeke kurt de bûne milîtanên pêşketî. 4 hevalên me ku di nav şertên dijwar de kedeke mezin dane, li dijî êrîşên faşîst ên dewleta TC'ê ya faşîst bi rengekî fedaî li ber xwe dane û bûne hevrêyên me yên mînak.

Hevrêyên me ku di demeke kin de di xeta gerîlayên modern ên sedsala 21'ê de xwe pêş ve birin û peywirên ku bi vê çarçoveyê dane ser milê xwe bi rengekî serkeftî bi cih anîne,  wê her demê mîna milîtanên dilêr ên Dersimê werin bibîranîn û ji bo me hevrêyên mayî bibin ronkahî.

Bi vê çarçoveyê em sond dixwin ku alaya azadiyê ku hevrêyên me Dîcle, Berfîn, Havîn, Kînem û Nûda hildane û tevlî nav karwanê şehîdan bûne bi serfiraziyê tacîdar bikin, sersaxiyê didine malbatên wan ên hêja yên welatparêz û gelê Kurdistanê ku ew di hembêza xwe de mezin kirine.

29’ê Hezîranê 2019

Navenda Ragihandin û Çapemeniya HPG’ê