Çapemenî û Raya Giştî Re!

Partiya me PKK’ê bi keda şehîdên me ava bûye, weke partiya şehîdan hebûna xwe ava kiriye û bi têkoşîna di xeta şehîdan de gihiştiye roja îro.

Ewladên gelê me yên herî bi nirx, bi rûmet, leheng, berxwedêr û fedaîyên gelê me di nava PKK’ê de şehîd ketin û artêşeke şehîdên nemir ava kirin. Di serî de ji gelê Kurd, Ereb û Tirk gelek hevrêyên enternasyonalîst ên ku tevlî PKK’ê bûn û şehîd bûn, bûn rastiya cewher û karakterê PKK’ê. Şehîdên me hişmendiya herî bingehîn, bîr, wijdan û nirxa exlaqî ya gelê me ne, her wiha pira biratiya gelan a ku nayê hilweşandin. Ruhaniya ku şehîdên me afirandin, nirxên ku bi têkoşîna xwe afirandin û şêwaza meşa şoreşgerî ji me re mîrasek pir dewlemend ava kir. Di şexsê şehîdên me de bi sed salan e ku têra xwe bawerî, vîn, hişmendî û ezmûna têkoşîne, ji bo me hemûyan derxistiye holê. Şehîdên me yên têkoşer weke heqîqetên fedayî yên îdeolojiya Apoyî rê li ber serkeftina doza me ya hebûn û azadiyê vekirine û ferman û talîmatên serketina dawî ya vê dozê ne.

2016, yek ji salên herî girîng a dîroka têkoşîna me ye; Salek bû ku berxwedanên xwerêveberiyê pêş ketibûn û gerîlayên azadiya Kurdistanê li çiya, deşt û metropolan bi dijwarî li dijmin xistin. Dewleta Tirk îsal ji ber derbên giran ket nava sendroman, artêşa Tirk û polîsên taybet bi tabûran hatin tasfiyekirin. Dewleta Tirk hê jî ji travmaya ku di sala 2016’an de dîtiye, bi ser xwe nehatiye. Sala 2016’an di heman demê de bû sala ku herî zêde çalakiyên me yên fedaî pêk hatin û wekî “sala berxwedêran” derbasî dîrokê bû. Sala 2016’an rengê têkoşînê yê salên piştî wê diyar kir, xeta fedaî hê zêdetir bi hêz kiriye, mezin bû û têkoşîn mezin kir. Bê şik mîmarê vê pêvajoyê rêhevalên me yên di sala 2016’an de şehîd ketine.

Di diyalektîka têkoşîna Apoyî de em tevgereke ku li şûna ku şehîd didin zêde dibin, li şûna ku raweste mezin dibe, li şûna ku lewaz bibe bi hêz dibe, li şûna bêmoralbûnê zêdetir moral digire û li şûna bêbaweriyê baweriya wê xurt dibe. Her şehadetek me zêdetir bi doza xwe ve girêdide, kîn û hêrsa me ya li hember dijmin tûjtir dike û bi derxistina dersên ji şehadetê bi awayekî şoreşgerî me ber bi kamilbûnê ve dibe. Ji ber vê yekê Rêbertî, şehîd û gel ku çavkaniya herî mezin a hêza PKK’ê ye, li her derê û li her cihê ku lê esas bê girtin, tevî hemû îxlalkirin û berevajîkirina dijminên me, serketinê û serkeftina mutleq dide me.

Bi vê bawerî û îradeya xwe em şehîdên sala 2016’an û di şexsê wan de hemû şehîdên xwe yên têkoşînê bi rêzdarî û minetdarî bi bîr tînin. Em sersaxiyê ji hemû gelê xwe yê welatparêz re, di serî de ji malbatên hêja yên şehîdên me yên leheng re dixwazin. Em soza xwe dubare dikin ku em ê di xeta şehîdan de bimeşin, li gorî rastiya şehîdan bijîn, di bin fermandariya şehîdan de têbikoşin û armancên wan pêk bînin.

Agahiyên nasnameya hevrêyên me yên ku em şehadeta wan bi rêzdarî bi bîr tînin wiha ne:

Bahoz – Hamdullah Kondo

Faraşîn – Emine Atabay

Yıldız – Emine Beyazıt

Beritan – Kelsume Tunç

Şoreş – Mazlum Denktaş

Havîn – Fehîme Aşkın

Zinar – Hasan Bulut

Ararat – Yemlihan Levent

Jînda – Sacide Geçit

Agîd – Recep Gögsün

Argeş – Enis Özdemir

Berçem – Berivan Kurt

Tekoşer – Muhammed Bozan

Zîn – Asya Ediş

Stêrk – Zilan Saygı

Brusk – Amed Nergîz

18 ê Pûşper a 2022

Navenda Ragihandin û Çapemeniya HPG’ê