Çapemenî û Raya Giştî Re!

Di salvegera 40’emîn a şehadeta wî de ku yek ji hevrêyê pêşîn ê Rêber Apo, yek ji avakarê tevgera Apoyî, yek ji wan fermandarên pêşîn ên artêşa me ya gerîla û pêşengê enternasyonalîst ê ku tarza berxwedana partiya me PKK’ê diyar kiriye Kemal Pîr bi rêzdarî bi bîr tînin.  

Hevrê Kemal Pîr şîara ‘Bi qasî ku em ji bo wê bimirin ji jiyana azad hez dikin’ ji me hiştiye û rêya serkeftina bi berxwedanê vekiriye. Gerîlayên azadiya Kurdistanê rêya bi rûmet a ku hevrêyên me yên pêşeng bi şehadeta xwe vekirine, 40 sal in didomînin, ji xeyala avakirina artêşa gerîla ya hevrê Kemal Pîr û pêkanîna armancên bilind, serbilind e. Gerîlayên azadiya Kurdistanê bi wesîleya salvegera 40’emîn a şehadeta heval Kemal Pîr de çalakiyên xurt kiriye, careke din daniye holê ku tarza berxwedana Kemal Pîrî gav bi gav afirandiye.

Di 13 çalakiyên hêzên me de yek jê rayedar 10 dagirker û kontrayek hatine cezakirin, dagirkerek jî birîndar bûye. Di heman demê de wesayîteke leşkerî, pergala kamerayeke mobeseyê hatiye îmhakirin. Artêşa Tirk a dagirker 3 caran bi bombeyên taktîk nukleer, çekên kîmyewî û gazên jehrî, 40 caran bi helîkopterên êrîşê, 3 caran bi balefirên şer û bi dehan caran jî bi çekên giran Qadên Berxwedanê bombe kiriye. Di heman demê de dagirkeran hewl dane çeper û tunelên şer ên li Qada Berxwedanê ya Werxelê bi kepçe û dozeran hilweşîne.

Agahiyên li ser çalakiyên hêzên me wisa nin:

1. Di çarçoveya Pêngava Şoreşger a Bazên Zagrosê de li herêma Zapê;

– Di 6’ê Îlonê de saet di 08.20’an de dema dagirker li dora çeperên şer ên Şehîd Xursî yên Qada Berxwedanê ya Sacayê kom bûne, tîmên me yên bi tevger li dagirkeran dane. Di vê çalakiyê de yek jê sekvan 2 dagirker hatine cezakirin, li pergala kameraya mobeseyê jî hate xistin û hatiye îmhakirin.

– Di 6’ê Îlonê saet di 10.30’an de dagirkeran dema ku xwestin ber bi çeperên şer ên Qada Berxwedanê ya Şehîd Adil a girêdayî Çemçoyê ve werin, tîmên me yên bi tevger li dagirkeran dane û dagirkerek hatiye cezakirin. Di heman demê de bi taktîka sabotajê jî li dagirkerên li Qada Berxwedanê hatiye xistin.

– Di 6’ê Îlonê de saet di 11.00 û 11.30’an de bi taktîka sabotajê 2 caran li dagirkerên li Qada Berxwedanê ya Çemçoyê hate xistin.

– Di 6’ê Îlonê de saet di 16.30’an de dema ku dagirker li Qada Berxwedanê ya Karkerê ketine tevgerê tîmên me yên bi tevger ên YJA Starê dagirker xistine bin kontrolê û bi taktîka sûîkastê li dagirkeran dane. Di vê çalakiyê de dagirkerek hatiye cezakirin.

– Di 7’ê Îlonê de saet di 06.00 û 07.30’an de dagirkeran dema ku xwestine têkevin çeperê şer ên Şehîd Bahoz a li Qada Berxwedanê ya Şehîd Fedakar a girêdayî qada Sîdayê hêzên me li dagirkeran dane. Piştî lêdana hêzên me dagirker neçar mane gavekê bi paş ve vekişin. Dagirker saet di 08.30’an de dîsa xwestine têkevin çeperên şer û vê carê bi taktîka sabotajê li wan hatiye xistin. Li vir dagirkerê bi navê Omer hatiye cezakirin.

2. Di çarçoveya Pêngava Şoreşgerî ya Bazên Zagrosê de li herêma Xakurkê;

– 4’ê Îlonê danê sibehê wesayîteke leşkerî ya dagirkeran ku di navbera herêmên Geliyê Reş û Gerdiya de diçû, hêzên me ev wesayît xistine bin çavdêriyê. Di saet 08.00'an de ev wesayît bi taktîka sabotajê bi awayekî bi îsabet hate derbkirin. Di vê çalakiyê de 3 dagirker û kontrayek hatin cezakirin, wesayîta leşkerî jî hate rûxandin.

3. Di çarçoveya Pêngava Şoreşgerî ya Cenga Xabûre ya Şehîd Savaş Maraş de;

– 6’ê Îlonê saet 08:00’an tîmên me yên bi tevger li dijî dagirkerên li Qada Berxwedanê ya Girê Amediyê çalakiyeke vedizînê lidar xistin. Di vê çalakiyê de ku ji mesafeya nêz ve li wan hat xistin dagirkerek hat cezakirin û dagirkerek jî birîndar bû.

– Di 6’ê Îlonê saet 18.00’an de hêzên me li dagirkerên ku xwestin ber bi çeperên şer ên li Qada Berxwedanê ya Girê Cûdî ve bi pêş ve biçin dan û derb li wan xistin. Piştî destwerdana hêzên me, dagirker neçar man gavekê paşde vekişin.

– Di 6’ê Îlonê saet 23.00’an de tîmên me yên bi tevger ve bi taktîka sûîqestê li dagirkerên li Qada Berxwedanê ya Girê Cûdî dan û dagirkerek hate cezakirin.

4. Êrîşên ku artêşa Tirk a dagirker ên bi bombeyên nukleerî yên taktîkî, çekên kîmyewî û gazên jehrî kiriye;

– Di 6’ê Îlonê de çeperên şer ên Qadên Berxwedanê yên Girê Amediye û Girê FM 3 caran bi bombeyên nukleerî yên taktîkî, çekên kîmyewî û gazên jehrî hatin bombekirin.

5. Êrîşên artêşa Tirk a dagirker;

– Di 5’ê Îlonê de Qada Berxwedanê ya Saca 2 caran ji aliyê balafirên şer ve hate bombekirin.

– Di 6’ê Îlonê de li Qadên Berxwedanê yên Şehîd Adil, Girê Amediyê, Girê FM û Girê Cûdî drone geriyan.

– Di 6’ê Îlonê de artêşa Tirk a dagirker hewl da ku çeper û tunelên şer ên li Qada Berxwedanê ya Werxelê bi kepçeyan hilweşîne.

– Di 6’ê Îlonê de Qada Berxwedanê ya Şehîd Adil a girêdayî Çemço bi dehan caran bi çekên giran hate bombekirin.

– Di 6 û 7’ê Îlonê de Qadên Berxwedanê yên Şehîd Adil, Saca, Girê Amediyê, Girê FM û Girê Cûdî 40 caran bi helîkopterên êrîşê hatin bombekirin.

7 ê Îlon a 2022

Navenda Ragihandin û Çapemeniya HPG’ê