Çapemenî û Raya Giştî Re!

Tîmên me yên bi tevger ên li Qada Berxwedanê û rêhevalên me yên li tunelên şer, bi çalakiyên xwe yên bi bandor û berxwedana xwe ya dîrokî destanan dinivîse.

Artêşa Tirk a dagirker xwestiye li Qada Berxwedanê ya Girê Cûdî bi pêş ve were. Hêzên me yên li Qada Berxwedanê ev rewş kirine firsend, ji bo tolhildana zarokên gelê Kurd ên li Bamernê û Şengalê ên ku ji aliyê dewleta Tirk hatibûn qetilkirin, Operasyona Tolhildanê ya Şoreşger daye destpêkirin. Tîmên me yên bi tevger bi taktîkên xurt û dewlemend vê operasyona tolhildanê dane destpêkirin, di vê operasyonê de tiştek bi rêhevalên me nehatiye û hêzên me yên li qadê 57 dagirker ceza kirine û derseke dîrokî dane artêşa Tirk a dagirker. Artêşa Tirk a dagirker êrîşên xwe yên li ser vê qadê didomîne. Di heman demê de Operasyona Tolhildanê ya Şoreşger a ku hêzên me yên Qada Berxwedanê ya Girê Cûdî jî didome. Di van çalakiyên li Zap û Metînayê jî 5 dagirker hatine cezakirin û hêzên me bi giştî 62 dagirker ceza kirine.

Dagirkeran 14 caran bi balefirên şer, 26 caran jî bi helîkopteran û bi sedan caran bi obusan li Qadên Berxwedanê dane. Dagirkeran 11 caran jî bi çekên kîmyewî û teqemeniyan tunelên şer bombe kirine.

Agahiyên li ser çalakiyên hêzên me wisa nin:

1. Li Herêma Zapê;

– Di 15’ê Pûşperê de saet di 15.30’an de dagirkeran dema xwestine nêzî tunelên şer ên Şehîd Hewrê ya Qada Berxwedanê ya Şehîd Şahîn bibin, hêzên me bi çekên giran li wan dane. Dagirkerên ku derb xwarine, neçar mane qedemeyekê vekişin.

– Di 15’ê Pûşperê de saet di 23.20’an de û di 16’ê Pûşperê de saet di 03.00 û 04.50’an de hêzên me bi sûîkastê li dagirkerên li Qada Berxwedanê ya Karkerê dane. Ev çalakî ji aliyê hêzên me yên YJA Starê hatine kirin û di vê çalakiyê de 3 dagirker hatine cezakirin.

2. Li Herêma Metîna;

– Di 13’ê Pûşperê de saet di 18.00’an de hêzên me bi sûîkastê li dagirkerên baregeha Kanî Masî ya artêşa Tirk dane û dagirkerek ceza kirine.

– Di 15’ê Pûşperê de saet di 15.20’an de hêzên me bi çekên giran li dagirkerên baregeha Kanî Masî ya artêşa Tirk dane.

– Di 16’ê Pûşperê de jî dagirkerên li Qada Berxwedanê ya Girê Hekarî dema ku xwestine ber bi tunelên şer werin, hêzên me bi çekên giran li wan dane û dagirkerek ceza kirine. Piştî çalakiyê dagirkeran dema ku xwestine bi teqemeniyan êrîşî tunelên şer bikin, hêzên me bi çekên giran li wan dane. Piştî vê çalakiyê dagirker neçar mane qedemeyekê vekişin.

– Di 15’ê Pûşperê de dagirkeran xwestine ber bi tunelên şer ên Qada Berxwedana Girê Cûdî bibin. Dagirkeran kontrayek dane pêşiya xwe, kontra rê nîşan daye û dagirkeran xwestine wisa bi pêş ve biçin. Tîmên me yên bi tevger ev dagirker xistine bin kontrola xwe û Operasyona Tolhildanê ya Şoreşger dane destpêkirin. Saet di 18.30’an de tîmên me yê bi tevger banga ‘Teslîm bibin’ li dagirkeran kirine. Dagirker piştî bangê reviyane û hêzên me bi çalakiya gerîla ya ji du milan ve li dagirkeran dane. Tîmên me yên bi tevger gelek dagirker ceza kirine, çûne ser cenazeyê 12 dagirkeran û zelal kirine ku 12 dagirker hatine cezakirin. Artêşa Tirk a dagirker dema ku dîtiye leşkerên wê yên vê qadê tasfiye bûne, qada ku cenazeyê leşkeran heye bi dehan caran bi obusan û 4 caran jî bi balefirên şer bombe kiriye. Dagirker dema ku li qadê belav bûne, bi sûîkastê yeko yeko li wan hatiye xistin û 5 dagirkerên din jî hatine cezakirin. Cenazeyê ev dagirkerên hatine cezakirin di bin kontrola hêzên me de ye. Artêşa Tirk a dagirker saet di 22.30’an de Qada Berxwedanê ya Girê Cûdî bi balefirên şer û helîkopteran bombe kiriye û piştre jî bi helîkopteran leşker aniye qada Girê Şehîd Baran û Girê Şehîd Kendal.

– Di 16’ê Pûşperê de saet di 01.45’an de dema ku komek dagirker ketine tevgerê tîmên me yên bi tevger ên YJA Starê bi êrîşê li van dagirkeran daye. Hêzên me ji nêz ve  bi çekên şexsî û çekên otomatîk ên navîn 15 dagirker ceza kirine û gelek alavên leşkerî yên dagirkeran îmha kirine.

– Di 16’ê Pûşperê de saet di 03.00’an de dagirkeran dema ku xwestine ber bi tunelên şer ên Qada Berxwedanê ya Girê Cûdî werin, hêzên me bi taktîka sabotajê 3 caran li wan dane û 5 dagirker ceza kirine. Hêzên me piştre jî ji sê milan ve bi çalakiyeke bi koordîne ya gerîlayan li dagirkeran dane û 9 dagirker ceza kirine. Tîmên me yên bi tevger bi sûîkastê yeko yeko li dagirkerên li qadê dane û bi giştî 10 dagirker ceza kirine. Sûîkastvanekî artêşa Tirk hate tespîtkirin û ew jî hate cezakirin. Gelek cenazeyên dagirkeran hê jî di bin kontrola hêzên me de ye. Gelek leşkerên Tirk ên birîndar jî li qadê belav bûne.

Tîmên me yên bi tevger ên li Qada Berxwedanê ya Girê Cûdî ji 15’ê Pûşperê saet 18.30’an û heta niha di Operasyona Tolhildana Şoreşgerî de 57 dagirker ceza kirine. Lê hejmara dagirkerên di vê operasyonê de hatine cezakirin û birîndar bûne gelekî zêde ne.

3. Êrîşên artêşa Tirk a dagirker bi çekên kîmyewî û teqemeniyan;

– Di 15’ê Pûşperê saet 07:30’an de tunelên şer ên Şehîd Zemanî yên li Qada Berxwedanê ya Girê Hakkarî du caran bi çekên kîmyewî û 2 caran jî bi teqemeniyan hatin bombekirin.

– 15’ê Pûşperê saet ji 08.00 heta 10.00’an tunelên şer ên Şehîd Akîf ên li Qada Berxwedanê ya Girê Hakkarî 6 caran bi teqemeniyan hatiye bombekirin. Ev dagirker bi çekên ferdî hatin gulebarankirin û mudaxele li bikaranîna wan a teqemeniyan hat kirin.

– Di 16’ê Pûşperê saet 08.00’an de tunelên şer ên Şehîd Zemanî yên li Qada Berxwedanê ya Girê Hakkarî bi teqemeniyan hatin bombekirin. Hêzên me destwerdana van dagirkeran kirin û dagirker gavekê paşde vekişiyan.

4. Êrişên artêşa Tirk a dagirker ên bi obus, helîkopterên êrişê û balafirên şer hatin kirin:

– 15’ê Pûşperê ji saet 07:00 heta 13:00’an li Qada Berxwedanê ya Kurojahroyê tevgera dronan hatiye dîtin.

– 15’ê Pûşperê saet 17:30’î li Geliyê Sinînê ya herêma Xakurkê, qada ku gelê me yê sivîl lê bû, bi obusan hatiye bombekirin.

– 15 û 16’ê Pûşperê qadên Şehîd Heqî û Ava Lolanê yên li herêma Xakurkê, Qadên Berxwedanê yên Girê Amediyê, Girê Hakkarî û Werxelê bi obusan hatine bombekirin.

– 15 û 16’ê Pûşperê Qadên Berxwedanê yên Girê Ortê, Girê Amediyê û Girê Cûdî û gundên Dêcit û Çemrobotkî yên herêma Garê 14 caran bi balafirên şer hatine bombekirin.

– 15 û 16’ê Pûşperê Qadên Berxwedanê yên Girê Cûdî, Werxelê, Kunîşka, Kurojahro, Şikefta Brîndara û Karker 26 caran bi helîkopterên êrîşê hatine bombekirin.

16 ê Pûşper a 2022
Navenda Ragihandin û Çapemeniya HPG’ê