Çapemenî û Raya Giştî Re!

Têkoşîna me ya azadiyê ku li dijî dewleta Tirk a dagirker û mêtinger tê meşandin, 6 salên dawî bi rengekî bênavber dewam dike.

Ev şerê ku bi awayekî bêeam tê meşandin, bi êrişa dagirkeriyê ya dewleta Tirk re ya şeva 23'ê Nîsanê li Avaşîn, Metîna û Zapê da destpêkirin, kete qonaxeke nû. Gerîlayên Azadiyê yên Kurdistanê di nava mehekê de berxwedan û performanseke şer a destanî nîşan dan ku cîhanê jê re şahidî kir, bi baldarî şopand. Tevî ku dewleta Tirk a dagirker plan dikir ku gelek herêmên Başûrê Kurdistanê dagir bike, di berxwedana Zendûra, Cîloyê Biçûk, Mervanos û Mamreşo de xitimî. Bi saya berxwedana şehîdên me yên leheng, dijmin nekarî li gorî daxwaza xwe bi pêş ve biçe, li cihê ku dagir kir nekarî serwer bibe, di bin zexta çalakiyê ya hêzên me de nekarî sîstema ku dixwest ava bike. Li pêşberî asta gerîlayên serdema nû, performansa şer û rêbazên dewlemend ên hêzên me, hate fêhmkirin ku dewleta Tirk wê planên xwe nikaribe bi ser bixîne. Bi pêvajoya şer a mehekê re encamên gelekî girîng hatin afirandin.

Dewleta Tirk bi êrişeke qirkirinê ya topyekûn a li dijî gelê Kurd, dixwaze vê yekê bibe serî. Ji ber vê yekê, şerê ku li dijî dewleta Tirk a mêtinger qirker tê meşandin ne tenê li Herêmên Parastinê yên Medyayê ye; Gerîlayên Azadiyê yên Kurdistanê ji Amedê heta Amanosan, ji Botanê heta Serhed û Dersimê li her cihî berxwedaneke berfireh û topyekûn dimeşînin. Ji bo pêşengiyê ji Pêngava Dema Azadiyê re bike, ji bo planên dagirkirina Kurdistanê pûç bike, ji bo tecrîdê bişikîne û faşîzmê hilweşîne, sekna fedayî ya Apoyî ya ku şehîdên me yên leheng nîşan da, ji bo jin, ciwan û tevahiya gelê Kurd re bû hêz û moral. Hêzên Parastina Gel ku li ser bingeha perspektîfa Şerê Gel ê Şoreşgerî hewl dide wezîfeyên xwe bi rengekî serketî bi cih bînin. Bi berxwedana gerîla re, bi ruhê serhildanê yê gelê me û ciwanên Kurd, bi çalakiyan û helwesta neteweyî em ê encamê werbigirin.

Berxwedana dîrokî ya ku li çiyayên Kurdistanê bi ruhê fedayî yê Apoyî tê meşandin, bi temamî berhema hevrêyên me yên şehîd ên leheng in. Hêzên me di her roja Meha Gulanê ya Şehîdan de ji Dersimê heta Serhedê, Amedê, Botanê, Mêrdînê, Avaşînê, Heftanînê, Metînayê, Zap û Xakurkê bi taktîkên dewlemend çalakiyên xurt li dar xistin. Di dîroka me ya têkoşînê de yekemcar ji êrişê heta xweberdana nava dijmin, ji sabotajê heta kemîndanînê, ji çekên giran heta sûîqestê, ji çalakiyên hewayî heta çalakiyên koordîneyî yên tîmên gerîla bi taktîkên cihê û dewlemend ewqas derb li serweriya dewleta Tirk hate xistin.

Hêzên me yên Parastina Hewayî yên Şehîd Delal ku weke gaveke nû ya taktîkî bi çalakiyên xurt deng vedan, di nava mehekê de performanseke girîng a şer nîşan da. Hêzên me yên Parastina Hewayî yên Şehîd Delal, li dijî 23'emîn Fermandariya Tumenê ya Sînor a Şirnexê ku navenda koordîneyê ya êrişa dagirkeriyê ya li ser Başûrê Kurdistanê ye û li dijî 8'emîn Baregeha Jetê ya Bingehîn a li Amedê ku baregeha balafirên şer e ku bombeyan li çiyayên Kurdistanê dibarîne û xelkê me yê sivîl qetil dike, li dijî navenda koordîneyê ya Êlihê ku balafirên bêmirov ên îstîxbaratê jê radibin, bi rengekî serketî çalakî li dar xistin. Lê belê dewleta Tirk hewl da encamên van çalakiyan ji raya giştî veşêre, derew kir, lê tevî vê yekê jî neçar ma ku baregehên xwe ji bo demekê bigire. Hêzên me yên Şehîd Delal ev çalakiyên xwe ne bi rêbazên berê, lê belê bi teknîkên nû kirin ku artêşa Tirk jî nikare pêşî lê bigire.

Atmosfera ku dewleta Tirk a dagirker bi şerê psîkolojîk û propagandayê hewl dide biafirîne û dibêje, 'Her devera ku ez biçim ez ê bigirim, ez ê her hêza derkeve pêşiya min bieciqînim', mîna li Garê di berxwedana meha dawî de jî careke din pûç bû. Li hemberî vê hêza faşîst mêtinger qirker a bûye belayê serê gelên herêmê û gelê Kurd, Gerîlayên Azadiyê yên Kurdistanê nîşan dan ku ew hêza bi îrade ya ku azadiyê û hêviyê temsîl dike.

Çalakiyên ku ji aliyê hêzên me ve hatine lidarxistin;

– 2 kemîn
– 6 çalakiyên xweberdana nava dijmin
– 10 çalakiyên hevdemî û koordîneyî
– 13 çalakiyên lêdana derbê
– 21 çalakiyên sûîqestê
– 29 çalakiyên bi çekên giran
– 42 çalakiyên sabotajê
– 46 çalakiyên êrişê
– Bi giştî 169 çalakiyên gerîla hatin lidarxistin.

Hevrêyên me yên şehîd bûn;
– 39 hevrêyên me şehîd bûn.

Çalakiyên ku ji aliyê Hêzên Parastinê yên Hewayî yên Şehîd Delal ve hatin lidarxistin;

– 34 çalakiyên hêzên parastina hewayî hatin lidarxistin.

Êrişên ku ji aliyê artêşa Tirk a dagirker ve hatin kirin;

– Li dijî Herêmên Parastinê yên Medyayê bi obus, helîkopter û balafiran her roj bênavber bi sedan carî bombardûman hate kirin.
– 42 caran hewl dan bikevin nava tunelên şer û her carê jî hatin têkbirin.
– 12 caran gazên bi jehr û kîmyewî bi kar anî.

Encama çalakiyên hêzên me;

– 238 dagirker hatin cezakirin.
– 30 dagirker birîndar bûn.

Wesayitên dijmin ên ku hêzên me derb li wan xistin;

– 2 Drone
– 6 Helîkopter
– Wesayiteke bi tîpa Kobra

Alavên leşkerî yên ji aliyê hêzên me ve hatin îmhakirin;

– Mertalên ku fîşek tê naçin
– Wesayiteke zirxî ya bi tîpa Amarok
– Wesayiteke zirxî ya bi tîpa Kobra
– Wesayiteke bi tîpa Reo
– Çekek A4
– 2 Radar
– 3 Kon
– 3 Kamerayên Mobese
– Bi dehan çeper hatin rûxandin.

Alavên leşkerî yên ji ser dijmin hatin rakirin;

– Çekek MPT
– Çekek bombeavêj
– Çekek BKC
– Çekek B7
– Dûrbînek Termal
– Cîhazeke bêtêl
– 2 Dûrbînên çekê.

25’ê Gulana 2021

Navenda Ragihandin û Çapemeniya HPG’ê