Ji Çapemenî û Rayagiştî Re

1. Di çarçoveya Pêngava Şoreşger a Şehîd Bager û Şehîd Ronya de hêzên me di 18’ê Gulanê saet di 08.00’an de li dijî Qereqola Şikêrê ya Çelêya Colemêrgê çalakiyek li dar xistin. Di vê çalakiyê de hejmara leşkerên mirî û birîndar ên dijmin nehatine zelalkirin.

 2. Di 14’ê Gulanê de artêşa Tirk a dagirker li qadên Şehîd Axîn, Şehîd Amed û Şehîd Baran ên ku li Başûrê Mûşê ne, operasyonek dabûn destpêkirin. Ev operasyon di 18’ê Gulanê de saet di 22.00’an de bêyî ku encamekê werbigire, xwe ji qadê vekişandiye.

Artêşa Tirk a dagirker di 8, 15 û 30’ê Nîsanê de jî li qada Şehîd Baran 3 operasyonên cihê li dar xistiye.Ev operasyon bêyî ku encamekê bistînin, di heman rojê de hatine vekişandin.

3. Artêşa Tirk a dagirker li hemberî Herêmên Parastinê yên Medyayê êrîşên hewayî kirin. Di vê çarçoveyê de balefirên şer di 16’ê Gulanê saet di 14.40’an de Qada Kuro Jahro ya Zapê, di 17’ê Gulanê de saet di 12.30 û 14.00’an de derdora gundê Gisê yê Garê û di 18’ê Gulanê de saet di 18.50’an de qada Gundê Filleha ya Zapê bomberdûman kiriye.

Di van bomberdûman de tiştek bi hêzên me nehatiye û xisar gihiştiye bax û baxçeyên gundên Gisê.

4. Di 15’ê Gulanê de artêşa Tirk a dagirker li qada Gabarê ya Şirnexê tevî balefirên hewayî yên bêmirov li qadê operasyonek dane destpêkirin. Yekîneyeke me ya li qada operasyonê rastî leşkerên artêşa Tirk a dagirker hatine û şer çêbûye. Artêşa Tirk a ku ji bejahiyê ve nekarî biçe ser hêzên me, bi balefirên şer qad bomberdûman kirine. Di vê bomberdûmanê de hevalê me Canfeda (Mehdî Daniş) û Kendal (Enes Bîçer) şehîd bûne.

Nasnameya hevalên me yên şehîd wisa ye:

Nasnav: Canfeda Serxwebûn Nav û paşnav: Mehdî Daniş Cihê jidayîkbûnê: Şirnex Navê dê û bav: Heznî - Mehmet Dîrok û cihê şehadetê: 15’ê Gulana 2019’an/Gabar

Canfeda – Mehdi Danış

Nasnav:  Kendal Gabar Nav û paşnav:  Enes Bîçer Cihê jidayîkbûnê;  Êlih Navê dê û bav: Taybet – Mehmet Emîn Dîrok û cihê şehadetê: 15’ê Gulana 2019’an/Gabar

Kendal – Enes Biçer

19’ê Gulanê 2019

Navenda Ragihandin û Çapemeniya HPG’ê