Çapemenî û Raya Giştî Re!
Dewleta Tirk a mêtinger ji bo qirkirina gelê me, di çarçoveya 'Plana Têkbirinê' de ya ku sala 2015'an xiste meriyetê, nava salê êrişên berfireh li dijî gelê me yê sivîl û hêzên me yên gerîla kir.
Gelê me li dijî van êrişan, li her qadê xwedî li îradeya xwe derket, li ber xwe da û hêzên me yên gerîla jî derbên herî giran ên dîrokî li dagirkeran dan. Ji hevrêyên me yên ku pêşengî ji vê berxwedana dîrokî re kirin hevrêyên me Derîn û Mazlûm di nava vî şerê giran de dema ku bi erka xwe radibûn şehîd ketin.
Agahiyên li ser nasnameya hevrêyên me yên şehîd bûne wiha ne:
 |
Nasnav: Derîn Newal Zerdeşt |
Derîn – Yadîgar Demîr
 |
Nasnav: Mazlûm Serhat |
Mazlûm – Mazlûm Dogan Kizil
Hevrêya me Derîn sala 1989'an li bajarê berxwedanê yê Kurdistanê li Amedê li nava malbateke welatparêz ji dayik bû. Amed ku di dîroka Kurdistanê de malovanî ji gelek berxwedanan re kiriye û bi welatparêziya xwe tê naskirin, çawa ku di dîrokê de destan nivîsandibe, bi Berxwedana Sûrê re destaneke nû nivîsand û ev çanda berxwedanê dewam kir. Hevrêya me Derîn ku bi çanda berxwedanê ya Amedê mezin bû û kesayetiya xwe ji nava vê çandê afirand, ji nêz ve şahidî ji polîtîkayên qirkirinê yên dewleta Tirk a dagirker re kir ku li ser gelê Kurd tê meşandin. Bi taybetî li Amedê hîn di zarokatiya xwe de şahidî ji gelek kuştinê kiryar nediyar re kir. Ev komkujiyên li Kurdistanê û gelê Kurd hatin kirin qebûl nekir û kete nava lêgerîne. Di dema xwendina zanîngehê de pê hesiya ku dibistanên sîstemê ji bo zarokên Kurd ji bilî asîmîlasyonê nayê ti wateyê.
Hevrêya me Dîren li ser vê yekê kete nava gelek lêgerînan û di encama van lêgerînan de biryar da ku tevlî nava refên PKK'ê bibe û jiyaneke azad wê li nava PKK'ê de pêk were. Li ser vê bingehê berê xwe da çiyayên Kurdistanê.
Di demeke kurt de hînî çiyayên Kurdistanê bû; li gelek qadên mîna Qendîl, Komalên Ciwan, Saziya Ziman û Garê kar kir. Piştî demekê bû milîtaneke jin a şareza. Hevrêya me Derîn ku li ser xeta jinê ya azad meşiya, her wezîfeya rêxistinê bi rengekî serketî bi cih anî û ev yek jî bi pratîka xwe nîşan da. Di nava şert û mercên herî giran de ti carî bêmoral nebû û timî bû çavkaniya moralê ji hevrêyên xwe re. Bi sekna xwe ya Apoyî dilsoziya bi Rêbertî, welêt û gelê xwe re nîşan da. Di nava rêxistinê de xwe timî perwerde kir, tecrûbeyên wergirtî li her kêliya jiyanê kir malê partiyê, hevrêyan û gel. Li dijî êrişên qirkirinê yên dijmin, tevlî gelek pêngavên şoreşgerî yên Gerîlayên Azadiyê yên Kurdistanê bû û wezîfeyên xwe hemû bi rengekî serketî bi cih anî. Di pêvajoya van pêngavan de bi fedakarî û samîmiyeta xwe ya hevrêtiyê li nava hevrêyên xwe hemûyan bû cihê hurmetê.
Hevrê Mazlûm ê ku li Kaxizmana Qersê di nav malbateke welatparêz de ji dayik bûye, di salên 90’î de ji ber zextên ekonomîk û civakî yên ku dewleta faşîst a dagirker li ser gelê me dike, ew jî neçar mane koçî metrepolên Tirkiyeyê bikin. Hevrê Mazlûm li metrepolên Tirkiyeyê jî polîtîkayên qirkirin, îmha û asîmîlasyonê yên ku dewleta Tirk li ser gelê Kurd dike ji nêz ve dîtiye. Hevrê Mazlûm feraseta welatparêz ji nav malê dîtiye geş kiriye û ketiye nav lêgerîna têkoşînê. Hevrê Mazlûm li hemberî zexta dewleta Tirk a ku ciwanan dike leşker ji neçarî çûye leşkeriyê û dema ku wî dijminatiya li hemberî gelê Kurd dîtiye di sala 2014’an de ji leşkeriyê firar kiriye û tevlî nav refên gerîlayan bûye.
Hevrê Mazlûm ji roja destpêkê ve pirsgirêka adaptasyonê derbas kiriye , bi tevlêbûna bi biryar û fedakariyê di nav hevalên xwe de hatiye hezkirin. Hevrê Mazlûm xwe di warê îdeolojîk û leşkerî de bi pêş xistiye û bi perwerdehiyên ku stendiye, pisporî ji xwe re kiriye armanc û ji bo bibe gerîlayekî profesyonel gelekî têkoşiyaye. Di perwerdehiyan de bala xwe daye ser fêmkirina felsefeya Apoyî û pêkanîna wê, lêhûrbûnên xwe bi hevalên xwe re par ve kiriye û geşedan ji xwe re kiriye esas. Hevrê Mazlûm peywirên xwe bi serkeftî bi cih aniye û di sala 2015’an de berê xwe daye Bakur û li vir hewl daye ji pêvajoyê re bibe bersiv. Hevrê Mazlûm bi kesayetiya xwe ya mutewazî û bi fedakariya xwe ya di nav xebatên şoreşê de bûye milîtanekî mînak û ew ê her dem di têkoşîna me de bijî.
Malbatên hêja yên hevrê Dîren û Mazlûm ên ku di pêngavên şoreşger ên li dijî faşîzmê de cih stendine di serî de em ji hemû gelê xwe yê welatparêz ê Kurdistanê re sersaxiyê dixwazin û soza xwe dubare dikin ku em ê peywir û berpirsyarên ku şehîdan dewrî me kirine, bînin cih.
7’ê Kanûna 2021
Navenda Ragihandin û Çapemeniya HPG’ê