ji çapemenî û raya giştî re!

İro saet di navbera 10.00 - 10.30 de hêzên gerîlayên me li hemberî çeperên leşkeran ên di navbera girên Şehîd Rahîme û Şehîd Zerdeşt ên li herêma Oremar a girêdayî navçeya Gever a Colemêrgê çalakiyek li dar xistin . Li gor hatiye tespîtkirin 2 leşker hatin  kuştin, lê hejmara kuştî û birîndaran zêdetir in. Piştî çalakiyê artêşa Tirk bi obus û hawanan bomberdûman kir.

Di  19’ê Mijdarê de artêşa Tirk li navçeya Payîzava bi awayekî zêde sewqiyata leşkerî pêk ani. Artêşa TC di 20’ê Mijdarê de saet 04.00 bi piştgiriya pêgerên hewayî yên bê mirov li qada Aşkîta ya Elbakê bi helîkopterên Skorsky leşker danîn giran. Heta saet 18.00'an 2 helîkopterên Kobra li qada Geliyê Aşkîta dan. Operasyon saet 18.00'an bê encam vekişiya.

ARTÊŞA TIRK ŞEHÎDGEH XERA KIR

Operasyona artêşa Tirk li qada Apê Mûsa ya girêdayî navçeya Licê ya Amedê daye destpêkirin didome. Di  22’yê Mijdarê di encama êrîşên artêşa Tirk de Şehîdgeha Şehîd Harûn hate xerakirin.

LI HEMBERÊ HERÊMÊN GERÎLAYÊN ME  HEWAYÎ Û BEJAHÎ BOMBERDÛMAN

 Ev 2 roj in li qada Deriyê Qaçê ya girêdayî Kato Jîrka ya Şirnexê pêgerên hewayî yên bê mirov digerin. Di 20’ê Mijdarê de saet di navbera 17.00 - 18.00’an de balafirên şer qada Meydana Casûsa bombe kirin.

Di 21’ê Mijdarê de saet di navbera 13.00 - 17.00’an de qereqola Yekmal a li ser sînorê herêma Heftanîn; qada Bektorya, di navbera saet 11.00 û 22’ê Mijdarê de saet 05.00 de artêşa TC a li derdora Şehîd Kendal bi cih bûye girên Deriyê Dawetiya û Şehîd Rênas bi obus, hawan û tankan bombe kir.

Di 21’ê Mijdarê de saet di navbera 12.00 - 15.40 de qereqola Bîlîcan a li ser xeta Zapê qadên derdora xwe qûntarê girê Xeregol, di 22’ê Mijdarê de saet di navbera 05.30 - 06.00 de qereqola Êrîş; girê Xeregol bi obus û hawanan bombe kir.

Ev  2 roj in ji alayên Elkê ya Şirnexê; Şehîdgeha Şehîd Kûrtay bi hawanan tê bombekirin. Dîsa helîkopterên Kobra li lûtkeya Kato Jîrka; Meydana Kolya û Şehîdgeha Şehîd Kûrtay dan.

TEVGERA HEWAYÎ DIDOME

 Di 21’ê Mijdarê de saet di navbera 11.30 - 13.00 de li herêma Xakurkê, saet di navbera 11.00 - 14.00 de li herêma  Avaşîn, saet di navbera 12.00 - 13.00 û 22’ê Mijdarê (îro) de saet 02.00 - 03.00 li Zapê tevgera balafirên şer pêk hat.

Di navbera 21’ê Mijdarê  de saet 16.00 û 22’ê Mijdarê de saet 04.00 de li herêma Avaşîn, qadên Garê û Zapê pêgerên hewayî yên bê mirov bi armanca keşfê geriyan.

22 Mijdar 2015
Navenda Çapemenî û Ragihandina HPG