Ji çapemenî û rayagiştî re!
1. Hêzên me di çarçoveya pêngava şoreşger a Şehîd Bedran Gundikremo û Şehîd Nalîn Mûş de di 18’ê Tebaxê di saet 17.40’an de li dijî leşkerên artêşa dagirker a Komara Tirkiyeyê yên li girê Şikêrê Spî yê Şemzînanê bi cih bûbûn, çalakiyeke berfireh dane lidarxistin.
Di vê çalakiyê de hêzên me ji 5 aliyan li dijmin xistine. Di vê çalakiyê de 7 kozikên dijmin îmha bûne, konteynir û kepçeyekê jî derb xwarine. Bi qasî ku hatiye tespîtkirin 11 leşkerên dijmin hatine kuştin û 4 leşkerên dijmin jî birîndar bûne. Piştî çalakiyê hêzên dijmin bi obus û hawanan li qada Çemê Hacibeg û Dalampêrê dane. Di 19’ê Tebaxê de saet di 11.00’an de artêşa dagirker a Komara Tirkiyeyê li qadê operasyonek daye destpêkirin. Di operasyonê de li derdora Çemê Hacibegê dane û di heman rojê di saet 18.00’an de bêyî ku encamê werbigirin, ji qadê derketine.
2. Di çarçoveya pêngava şoreşger a Şehîd Azad Farqîn û Şehîd Jînda Ozgur de hêzên me di 18’ê Tebaxê saet di 19.00’an de li dijî yekîneyeke artêşa dagirker a Komara Tirkiyeyê ya li Girê Kotomê ya bi ser Tetwana Bedlîsê çalakiyeke sabotajê li dar xistine. Bi qasî ku hatiye tespîtkirin 3 leşkerên dijmin hatine kuştin. Piştî çalakiyê bi helîkopteran qad bomberdûman kirine.
3. Di 9’ê Tebaxê de artêşa dagirker a Komara Tirkiyeyê di navbera gundên Erbilo û Girdika yê Sêrtê operasyonek dabû destpêkirin. Di vê operasyonê de di navbera hêzên me û leşkerên dijmin şer çêbûbû. Hêzên dagirker bi bikaranîna teknîkê qad bomberdûman kirine. Di vî şer û bomberdûmanê de 3 hevalên me bi qehremanî li dijî dijmin şer kirine û gihiştine şehadetê.
Nasnameya hevalên me yên şehîd wisa ye;
 |
Nasnav: Dilşer Kanîwar Nav û Paşnav: Ekber Abdal Cihê Jidayikbûnê: Ûrmiye Navê Dayik - Bav: Kaze - Nasir Cih û Dîroka Şehadetê: 9'ê Tebaxa 2017 / Sêrt |
Dılşer – Ekber Abdal
 |
Nasnav: Koçer Çiyager Nav û Paşnav: Cîhan Çelîk Cihê Jidayikbûnê: Sêrt Navê Dayik - Bav: Meserret - Ebûbekir Cih û Dîroka Şehadetê: 9'ê Tebaxa 2017 / Sêrt
|
Koçer – Cihan Çelik
 |
Nasnav: Mahmût Nav û Paşnav: Mehmet Kûrhan Cihê Jidayikbûnê: - Navê Dayik - Bav: - Musa Cih û Dîroka Şehadetê: 9'ê Tebaxa 2017 / Sêrt
|
Mahmut – Mehmet Kurhan
20'ê Tebaxê 2017
Navenda Ragihandinê ya Çapemeniya HPG'ê