Çapemenî û Raya Giştî Re!

Li dijî êrîşa dagirkeriyê ya berfireh a dewleta Tirk a li ser herêmên Avaşîn û Zapê, çalakiyên xurt ên hêzên me bênavber dewam dikin.

Hêzên me yên gerîla di nava şerê çar rojên dawî de ji çekên giran heta bi taktîka sabotajê, ji sûîqestê heta bi serdegirtinê gelek taktîkên şer di nava hev de xistin meriyetê. Bi taybetî bi rêbaza şerê tîm ê gerîla li qadê belav bû û gelek caran pêşî li hewldana artêşa Tirk girtin ku dixwest dagirkeran li qadê dayne. Di şerê gerîla yê serdema nû de ev yek asteke girîng nîşan dide.

Li ser bingeha Pêngava Şoreşgerî ya Bazên Zagrosê de di çalakiyên hêzên me yên gerîla de ku bi performanseke bilind a şer hate lidarxistin bi giştî 37 dagirker hatin cezakirin, 4 jî birîndar bûn.

Agahiyên berfireh ên li ser çalakiyên gerîla wiha ne:

1. Li Herêma Zapê;

– 20'ê Avrêlê saet di 12:20'î de li Qada Berxwedanê ya Çiyareş, hêzên me xwe berdan nava dagirkeran ku dixwestin ber bi Girê Rûbar ve biçin û bi çalakiya koordîneyî ya gerîla lê dan. Tîmên me yên gerîla yên bi tevger ên profesyonel, bi rêbaza lêdana baz di demeke kurt de dagirker tarûmar kirin. Di encama vê çalakiyê de ku ji nêz ve li dagirkeran hate xistin 13 dagirker hatin cezakirin, 2 dagirker jî birîndar bûn. Hêzên me çûn ser cenazeyên 7 dagirkeran û bêyî ku windahiyekê bidin çalakî bi rengekî serketî temam kirin.

– 17'ê Avrêlê saet di 13:00 de dagirkeran hewl dan bi helîkopteran xwe li Qada Berxwedanê ya Çiyareş daynin, lê hêzên me bi xurtî lê dan. Bi destwerdana hêzên me re herî kêm 2 dagirker hatin cezakirin.

– 17'ê Avrêlê bi şev dagirkeran xwestin bi helîkopteran xwe li qada Girê Cehennemê dayne û hêzên me dest li dagirkeran werdan. Di encama destwerdana xurt a hêzên me de dagirker neçar man xwe vekişînin.

– 18'ê Avrêlê saet di 07:00 de li Qada Berxwedanê ya Çiyareş hêzên me bi rêbaza êriş û sûîqestê li çepereke ku 6 dagirker tê de bûn, xistin. Di vê çalakiya hêzên me de 5 dagirker hatin cezakirin, çeperek û çekeke BKC hatin îmhakirin. Heman rojê di çalakiyên hêzên me de 3 dagirkerên din hatin cezakirin.

– 19'ê Avrêlê li Qada Berxwedanê ya Şikefta Birîndara, hêzên me bi çekên giran li dagirkeran xistin. Di encama çalakiyê de 2 dagirker hatin cezakirin. Heman rojê saet di 21:40'î de û 20'ê Avrêlê saet di 04:20'î de bi rêbaza sûîqestê li dagirkeran du caran hate xistin û 2 dagirker hatin cezakirin.

– 19'ê Avrêlê saet di 13:00 û 14:30'î de li Qada Berxwedanê ya Çiyareş 2 caran bi rêbaza sabotajê li dagirkeran hate xistin. Di encama çalakiyê de 3 dagirker hatin cezakirin, dagirkerek jî birîndar bû.

– 18'ê Avrêlê saet di 14:40 û 17:45'an de dagirkeran berê xwe dan Qada Berxwedanê ya Çiyareş, hêzên me jî du caran bi sabotajê li dagirkeran dan. Di encama van çalakiyan de 6 dagirker hatin cezakirin. Êvara heman rojê careke din bi çekên ferdî li dagirkeran hate xistin. Di encama vê çalakiyê de jî dagirkerek hate cezakirin, dagirkerek jî birîndar bû.

– 19'ê Avrêlê saet di 14:30'î de li Qada Berxwedanê ya Werxelê hêzên me ji du baskan ve bi çekên giran li dagirkeran xistin ku hewl didan bikevin çeperê. Di encama çalakiyê de dagirker neçar ma bi astekê xwe vekişînin.

– 19'ê Avrêlê li herêma Zapê qadên Şehîd Şahîn, Şikefta Birîndara, Çiyareş, Girê Rûbar, Şehîd Dunya, Girê Cehennem û Girê Rûbar ji aliyê qereqolên li ser sînor ve bi dehan carî bi obusan û bi balafirên şer jî 26 caran hatin bombekirin.

– 19 û 20'ê Avrêlê li herêma Zapê Girê Bihar, Girê FM û derdora gundê Sergelê 17 caran bi balafirên şer hatin bombekirin.

– Di navbera 19'ê Avrêlê û 20'ê Avrêlê de li herêma Metînayê qadên Serê Metîna, Girê Hakkarî û Golka ji aliyê qereqolên li ser sînor ve bi obusan û bi balafirên şer jî 13 caran hatin bombekirin.

21 ê Avrêl a 2022

Navenda Ragihandin û Çapemeniya HPG’ê