Çapemenî û Raya Giştî Re!

Têkoşîna Gerîlayên Azadiyê yên Kurdistanê ku ji Bakur heta Başûr li dijî artêşa Tirk a mêtinger û hevkarên wê tê kirin, bênavber dewam dike.

Hevrêyên me ku li tunel û çeperên şer berxwedana me ya dîrokî bi fedakariyeke mezin dewam dikin, di dîroka berxwedanê ya gelê me de rûpelekî nû vekirine, tîmên me yên bi tevger bi çalakiyên xurt derbên giran li dagirkeran dixin. Têkoşîna me ya bi feraseta 'ji sibe re dihêle, lê ti carî ji dagirker, xayin û nokeran re nahêlin' bi hilanîna tola şehîdên me yên nemir careke din nîşanî her kesî da ku hesabê her dilopa xwîna hevrêyên me wê bê pirsîn.

Di encama çalakiyên hêzên me de dagirkerek û sîxurek hatin cezakirin, dagirkerek jî bi giranî birîndar bû. Di heman demê de derb li çeperekê hate xistin. Artêşa Tirk a dagirker Qadên Berxwedanê 5 caran bi bombeyên qedexekirî û çekên kîmyewî, 3 caran bi balafirên şer, 30 carî jî bi helîkopteran, bi dehan carî bi obus, hawan, tank û çekên giran bombe kir.

Agahiyên li ser çalakiyên hêzên me wisa nin:

1. Bûyera şehadeta fermandarên pêşeng ên Eyaleta Serhedê hevrêyên me Evîndar, Eylem û Senar ji aliyê hêzên me ve hate lêkolîn kirin. Di encamê de hate tespîtkirin ku endamekî MÎT'ê yê bi navê Ozan Çîftçî di şehadeta hevrêyên me de bi roleke çalak rabûye. Noker Ozan Çîftçî ku sîxurekî MÎT'ê bû ji aliyê tîma me ya tolhildanê ya otonom ve hate cezakirin.

2. 22'ê Îlonê artêşa Tirk a mêtinger li derdora gundê Qutnisê yê herêma Katoyê ya ser bi navçeya Elkê ya Şirnexê dest bi operasyoneke dagirkeriyê kir. Operasyon 24'ê Îlonê bêencam bi dawî bû.

3. Di çarçoveya Pêngava Şoreşgerî ya Bazên Zagrosê de li herêma Zapê;

– 13'ê Cotmehê saet di 01:30, 02:10 û 19:00 de li Qada Berxwedanê ya Çemçoyê, tîmên me yên bi tevger 3 caran bi çekên giran li dagirkrean xistin. Di encamê de dagirkerek bi giranî birîndar bû.

– 13'ê Cotmehê saet di 06:30'î de li Qada Berxwedanê ya Sîdayê, tîmên me yên bi tevger bi eçkên giran derb li dagirkeran xistin.

– 13'ê Cotmehê saet di navbera 18:30 û 19:10'an de helîkopter li ser Qada Berxwedanê ya Sîdayê geriyan. Tîmên me yên bi tevger 5 caran dest li helîkopteran werdan ku dixwestin hêzên xwe li qadê daynin. Piştî derbên hêzên me, helîkopter bêyî ku karibin hêzên xwe li qadê daynin neçar man ji qadê biçin.

– 14'ê Cotmehê saet di 08:00 de li Qada Berxwedanê ya Çemçoyê di sûîqesta tîmên me yên bi tevger de dagirkerek hate cezakirin.

4. Di çarçoveya Pêngava Şoreşgerî ya Şehîd Savaş Maraş a Cenga Xabûrê de;

– 13'ê Cotmehê saet di 09:30'î de li Qada Berxwedanê ya Girê Cûdî tîmên me yên bi tevger ên YJA Starê bi çekên giran li dagirkeran dan û derb li çeperekê xistin.

– 13'ê Cotmehê saet di 14:30'î de li Qada Berxwedanê ya Girê Cûdî li dijî dagirkerên ku berê xwe dabûn çeperên, tîmên me yên bi tevger ên YJA Starê 3 caran bi sabotajê çalakî kirin.

– 13'ê Cotmehê saet di 15:30'î de li Qada Berxwedanê ya Girê Cûdî, tîmên me yên bi tevger bi çekên giran li dagirkeran dan.

5. Êrîşên artêşa Tirk a dagirker ên bi bombeyên qedexekirî û çekên kîmyewî;

– 13'ê Cotmehê li çeperên şer ên Şehîd Felat ên li Qada Berxwedanê ya Sîdayê û çeperên şer ê li Şehîd Xursî yên li Qada Berxwedanê ya Sacayê 5 caran bi bombeyên qedexekirî û çekên kîmyewî hatin bombekirin.

6. Êrîşên artêşa Tirk a dagirker;

– 12 û 13'ê Cotmehê Qada Zergelê û zeviyên Gundê Soragulê yên Qendîlê 3 caran bi balafirên şer hatin bombekirin.

– 12 û 13'ê Cotmehê Qadên Berxwedanê yên Çemço, Saca, Kurojahro, Girê Hakkarî, Girê Cûdî û Girê Amediyê 30 caran bi helîkopterên êrîşê hatin bombekirin.

– 13'ê Cotmehê Qadên Berxwedanê yên Çemço û Girgê FM bi dehan carî bi obus, hawan, tank û çekên giran hatin bombekirin.

– 13'ê Cotmehê artêşa Tirk a dagirker li Qada Berxwedanê ya Girê FM çêkirina rê ya ji bo dagirkeriyê dewam kir. Di heman demê de hewl da ku çeperên şer ên li Qada Berxwedanê ya Karker bi kepçeyan hilweşîne.

– 13'ê Cotmehê drone li ser Qadên Berxwedanê yên Şehîd Adil, Girê Cûdî û Girê Amediyê geriyan.

14 ê Cotmeh a 2022

Navenda Ragihandin û Çapemeniya HPG’ê