ji gelê me û raya giştî re!

Pêngava Azadkirina Şengalê ya hêzên me yên berxwedanê dewam dike. Li gor wê:

1. Di 21'ê Çileyê piştî nîvro saet di 14:30 de ji aliye Gerîlayên me ve li hemberî çeteyên li Taxa Berbirojê çalakiyeke sûîqestê hatiye lidarxistin. Li heman taxê saet di 15:45'an de jî çalakiyeke din a sûîqestê hatiye kirin, Di encama van çalakiyan de 2 çete hatine kuştin. Di çarçoveya van çalakiyên sûîqestê de;

- Di 21'ê Çileyê saet di navbera 17:30 û 18:00 de, li hemberî çeteyan li derdora taxa Sûka Jêr hêzên me yên gerîla sê çalakiyên sûîqestê lidar xistine. Di van çalakiyan de 3 çete birîndar bûne.

- Di 21'ê Çileyê saet di 20:00 de, li hemberî çeteyên li navenda bajarê Şengalê bicih bûn çalakiyeke sûîqestê hat kirin. Ji saet 22:00 û pê ve jî çalakiyên me yên sûîqestê dewam kirine. Di encama çalakiyên sûîqestê yên tevahiya şevê de 2 çete hatine kuştin, 3 çete jî birîndar bûne.

2. Rêhevalên me Bîrgul Çelîk bi nasnav Edesa Girêsor û Başar Alagoz bi nasnav Argeş Engîzek, li pêşberî vê wezîfeya dîrokî ya azadkirina gelê me yê li Şengalê, ji destpêkê ve bi fedekariyeke mezin xwedî li wezîfeya xwe derketine, di dema vê berxwedana dîrokî de bi giranî birîndar bûn û piştre şehîd ketin.

Di hemû çalakiyên gerîla yên li qadên cuda yên Şengalê de hevala Edesa ruhê milîtaniyê derxist holê, temsîliyeta bêsînor a YJA Star kir. Hevalê Argeş jî bi biryardariya xwe ya di şer û jiyana fedaî de li refên herî pêş ên berxwedanê cih girt. Her du rêhevalên me yên leheng di vê berxwedana dîrokî de bûn xwedî meşa milîtaniya Apoyî. Em soz didin ku emê vê wezîfeya dîrokî ya ji me re hatiye hiştin, bi azadkirina Şengalê re bilind bikin û bi vê hişmendiyê bersivê bidin bîranînên şehîdên xwe.

Nasnameya Rêhevalên me yên Şehîd weha ne:

Edesa – Bîrgul Çelîk

Argeş - Başar Alagoz

22 Çile 2015

Fermandariya Şengal ya HPG & Fermandariya Giştî a YBŞ