Yek ji gelên herî kevnar yên rojhilata navîn Gelê Kurd’e. Lê mixabin bindestî û tune hesibandin hertim li ser vî gelî hate ferzkirin. Ji despêka dîrokê heta roja me ya îro li ser vê xakê herdem bi çanda xwe bi zimanê xwe jiyan kirine.

Her çiqas gelê Kurd xwedîyê vê erdnigarîyê be jî herdem bi gelên din ên cîran re di nava aştîyê de jiyan kiriye. Lê nêzikatiya desthilatdara berovajî vê rewşê bû. Bi taybet bi damezrandina Komara Tirkîyê heta roja me ya îro polîtîkaya inkar û tune hesibandinê da meşandin. Lê di pêşengîya Rêber Apo bi Tevgera Rizgarîya Gelê Kurd êdî nekaribûn tune bihesibînin. Lewra tevgera azadîyê bi devletê da  îspat kirin  ku bi inkarkirinê nikare Tevgera Azadîyê û rêxistingerîya Gelê Kurd bin bixîne. Nehajî şêwazê şer guhertîye. Wek berê înkar nake lê jibo çareserkirina pirsgirêkê tu gavên dilsoz navêje. Hemû hewildanên wan li ser mijulkirin

û xapandinêye. Rêber Apo û Tevgera Azadîyê ji bo pirsgirêk bê çareserkirin hemû derfet avakirin. Lê belê Devleta Tirk ev hewldanên erênî weke lawazî nirxandin. Berowajî gavên erênî bi dek û dolaban dixwaze di raya giştî de Tevgera Azadiyê tewanbar bike.  Li aliyekî bi DYA û YE li aliyê din bi Surî, Îran, Iraq û hêzên Başûr re danûstandinên veşartî pêk tînin, peymanan îmze dikin. Li aliyê din jî qaşo biguhertina makezagonê-destûra bingehîn- dixwaze raya giştî bixapîne. Hate dîtin ku hemû keft û lefta wan, nîqaşê wan pûç derket. Di van guhertinade ji bo mafê Kurdan tu guhertin nebû. Berovaji wê siyasetmedarê Kurdan yê qada legalde nûnertîya Kurdan dikirin hate girtin. Operasyonên leşkerî bê navber û her ku diçe zêdetir dibe û berdewam dike. Ji lewra maskeya AKP ketiye. Bi wan politîkayan wê nikaribin gelê Kurd  bixapînin.

Rêber Apo ev demeke dirêje hewldida ku riyên diyologê veke û pirsgirêk liser hîmê demokratîk vere çareserkirin. Cardin ji bo nîyeta AKPê eşkere bike gelek nirxandin kirin. Herî dawî  Rêber Apo daxuyakirin ku AKP naxwaze pirsgirêkê çareser bike û herweha da diyarkirin ku dibe ku devlet pir dijwar êrişî gel bike û dive herkes tedbîrên pêwist bigre.  Ligel vê hişyarîyê Rêber Apo heta 31’ê gulanê dem da û got ger heta wê demê gav neyê avêtin êdî xwe têkilî tu tiştî nake.

Tesbîta Rêber Apo ya ku gotibû wê bi dijwarî êrîş bikin, demek kurt derbas nebû hate rastkirin. Arteşa Tirk bi balefiran Herêmên Parastin yê Medya bombardiman kirin. Cardin li sînorê başûr û bakurê Kurdistan’ê operasyonên bi armanca tunekirinê lidardixin. Bi van pêkanînan diyar dibe ku devleta Tirk dest ji siyaseta inkar û tunekirinê naqere.

Tevgera  Azadiyê jî di dema çaremîn ya nûde dabû xuyakirin ku êdî wê gelê kurd li hêviya dewletê nemîne û wê çareseriya xwe bi hêza xwe avabike. Jiber wê ye ku êdî dema berê derbas bûye û gelê kurd nema dixape. Gelê Kurd rêxistingerîya xwe ya demokratik û komunal her roj xurttir dike. Weke demê derbasbûyî nema dixape. Gelê Kurd di rêbertîya tevgera azadîyê de hişyar bûye. Êdî çespandinên desthilatdara nema gelê kurd ê hişyarbûyî bitirsîne.

Êrişên devletê çiqas zêdebibe jî berxwedana gerillayê Kurd kêm nabe, serhildan û çalakiyên gel kêm nabe. Di rojên dawîde çalakiya mertalên zindî cardin destpêkir. Gelê kurd ji bo operasyonên bi armanca tunekirinê tê lidarxistin bi bedenê xwe li pêşiya panzeran dibin mertal. Lêdan binçavkirin zext û zoriya dagirkeran bi gelên kurd gavan paşde nade avêtin. Ev hêza rêxistingeriya gele. Ev mafdarbûna tevgera azadiyê ye. Ji ber wêye em dibêjin wê serkeftin ya gelê Kurd ê berxwedêr û serhildêr be.

Salar Mendo