Min ê hilbijartinê binivîsandana
Lê min nedikaribû binivîsandina
Destê min neçû ser klavyeyê
Ma min ê çawa binivîsandina?
Ji ber ku xwîn diherikî
Li Amarayê li Alîgorê
Ji seriyan xwîn dipijikî
Ji serê Mûstafa Dagê ku di emrê Heqî Qerer de bû
Serî parçe parçe
Şirik şirik xwîn hildavêt
Di şûna kaniyên coş ên vê biharê de
Ew celadên tirk têr nabin ji xwîna me
Sonda min heye
Ez ê wê dîmenê jibîrnekim
Sonda min heye
Ez ê;
Yên ku li hember van kuştinan ne xwedî sond bin
Yên ku li hember vanan nekevin tevgerê
Yên li hember komkujiyan bêhîsbin
Yên li hember komkujiyan bêdengbin
Kî dibe bila bibe, ez ê wan ji mirovan ji giyaneweran nehesibînim
Sonda min heye
Ez ê zêdetir zêdetir heyfê ji wan bigirim
Û ji vir qîrîn dikim
Ev qîrîneke tolhildanê ye
Li Kurdistanê tu rewabûna AKP’ê êdî nema
Hat selmandin ku,
AKP komek dijmirovî, mêrkûj û qirqer e
Ji niha û şûn ve yek mafê AKP’iyiyan dimîne
Ew jî li hember kirinên wan, zêdetirîn hesap pirsîne
Wê keç û xortên egîd û mêrxas ên gelê kurd,
Ji vê koma mêrkûjan hesap bipirse, heta hetayê....
- Ayrıntılar
Ji gelê me û rayagiştî re!
1. Di 3’yê avrêlê de bi roj saet di navbera 15:00 – 17:00’an de ji hêla artêşa dagirker a tirk ve li hember gundên Reşmê, Zerê, Ertîş, Horê, Kehrê û Girê Karker ku girêdayî Zapê ne, êrişeke bi obûs û hawanan hatiye lidarxistin.
2. Di 31’ê adarê vir ve ji hêla artêşa dagirker a tirk ve li hember qadên Apê Mûsa û Koyê Spî ku girêdayî Eyaleta Amedê ne operasyonek hatiye destpêkirin. Di operasyonê de hêzên gerîlayên me yên HPG’ê di 3’yê avrêlê de li hember hêzên dijmin kemîn avêtine û di çalakiya kemînavêtinê de leşkerek hatiye kuştin û 7 leşker jî birîndar bûne. Piştî çalakiyê hêzên dijmin ji bejahiya gundê Hedîkê xwe bi paş ve vekişandine û mirî û birîndarên xwe bi firokeyan rakirine navenda Amedê. Operasyona navborî hê jî didome.
4 Avrêl 2009
Navenda Ragihandina Çapemeniyê ya HPG’ê
- Ayrıntılar
Cemîl BAYIK
Hêzên Azadî û Demokrasiyê yên Kurd, mîna pêwîstiyeke nêzîkbûneke biberpirsiyartî, beriya hilbijartinên herêmî biryara ‘bêçalakîbûnê’ standin û ji raya giştî re aşkera kirin ku li gorî vê biryarê dê tevbigerin. Her wiha têkildarî Konferansa Navneteweyî ya Kurd de ku niha mijara guftûgoyê ye û tê plankirin li dar bikeve de jî nerînên xwe anîn ziman.
Têkildarî vê mijarê tu hêz û derdor nikarin bêjin ku nêzîkatiya berpirsiyar ya dikeve ser milê Hêzên Azadî û Demokrasiyê yên Kurd nehatiye bicihanîn. Lê tevî rastiya heyî jî hewldanên wê bixin muxatabê nêzîkatiyên eniya dijber. Di nûçe û şîroveyên di organên çapemenî û ragihandinê de ev nêzîkatî tê nîşandan. Diyar e ku ev yek encamên erênî bi xwe re neyne û wê xizmetê ji aloztirkirina rewşa heyî re bike.
Di nêzîkatiyên beriya hilbijartinên herêmî pêk werin hatin nîşandan de jî ev yek bi rengekî vekirî hate dîtin. Tevkujiya li Koşuyolu ya Amedê ji aliyê kê pêk hatiye baş tê zanîn, hewldanên ji bo bixin stûyê PKK’ê; di 2’yemîn îdianameya doza Ergenekonê de hewldana têkildarkirina Ergenekon û PKK’ê; gotegotên der barê konferansa tê gotin li Hewlêrê dê pêk were û biryarên qaşo der barê PKK’ê de werin standin mînakên herî berbiçav in. Xwediyê van nêzîkahiyan dixwazin çi bikin êdî ev li ser teqdîra raya giştî û derdorên demokratîk yên histiyar maye.
Ji bo pêkanîna aştiyeke mayinde û di konferanseke navbera kurdan de babetên ku pêwîst e li ber çavan bêne girtin û destnîşankirin beriya niha mîna pîvanan ji aliyê Rêber Apo ve hatibûn destnîşankirin. Di vê çarçoveyê de ji bo aştiyeke mayinde ya li Tirkiyeyê ev pîvan hatibûn destnîşankirin: 1-Agirbesta Dualî; 2- Komîsyona Lêkolîna Rastiyan û Edaletê; 3- Destûreke Bingehîn a Sivîl. Ji bo konferanseke di navbera kurdan de jî ev pîvan destnîşan kiribûn: 1- şer û Aştî; 2- Yekitî; 3- Pîvana Demokratîkbûnê; 4- Mafên Çandî; 5- Siyaset, Civakî, Aborî ya Demokratîk.
Destnîşan kiribû ku ev xal dikarin ji aliyê her kesî ve bêne qebûlkirin. Tevî ku pêwîst dikir tiştên bi esasî girtiba dest û di nêzîkahiya ji bo PKK’ê de li ber çavan hatibana girtin ev bin jî, balkêş e mîna ku ev tişt nehatine gotin tevdigerin û hin şert û mercên ku pêwîst e hişyarî bêtir hebe tên afirandin. Sedemên mafdar ên tevgereke wisa pêwîstî bi hişyariyê dibîne hene: Daxuyaniyên Serokomarê Tirkiyeyê Abdullah Gul ên di dema serdana Iraqê û piştî serdanê, Peyamên ku Serokomarê Iraqê Celal Talabanî piştî hevdîtina bi Serokomarê Tirkiyeyê re dan çapameniyê, Sewqiyata leşkerî ya Artêşa Tirk a li ser sînorê başûrê Kurdistanê û tevgera leşkerî dibin sedemên fikarên bi vî rengî. Her wiha divê planên DYA’yê yên tasfiyekirina PKK’ê jî li van bê zêdekirin.
Plana tasfiyeya PKK’ê ya beriya niha ji Serokê DYA’yê Barack Obama hatibû pirsîn û ji aliyê Nûnerê Taybet yê Iraqê Henri J. Barkey ve hatibû amadekirin di hin organên çapamenî û ragihandinê de hatibû guftûgokirin. Têkoşîna Azadî û Demokrasiya Kurd jî têkildarî mijarê helwesta xwe nîşan dabû. Girîng e ku di rapora Henri J. Barkey pêşkêşî Barack Obama kir de bi rengekî vekirî tasfiyekirina PKK’ê û ji bo wê yekê ketina dewreyê ya DYA’yê ji aliyê leşkerî ve tê pêşniyarkirin. Ev tev dibin sedem ku ji her demê bêhtir hêzên Azadî û Demokrasiya Kurd bi baldarî û hestyarî tevbigerin. Lewma mafê tu kes an derdorê tune ye ku bêje Hezên Azadî û Demokrasiya Kurd, ‘çima hûn wisa nêzîk dibin’.
Beriya her kesî û herî zêde Têkoşîna Azadî û Demokrasiya Kurd dixwaze li Tirkiyeyê aştiyeke mayinde pêk were û konferanseke yekitiya neteweyî di navbera kurdan de pêk were. Tiştekî berovajî vê yekê ne kes dikare bêje ne jî îdia bike. Ji ber ku delîlê vê yekê li berbiçavan hene. Ji bo li Tirkiyeyê aştiyeke mayinde pêk were ji sala 1993’yan heta niha gelek caran agirbestên yekalî hatin îlankirin û pêvajoyên bêçalakîbûnê hatin îlankirin. Ji bo di navbera kudan de konferansek pêk were gelek caran biryar hatin girtin, bang hatin kirin û hewldan pêk hatin. Di hemû kongre û konferansên PKK’ê yên piştî salên 1990’î di vê çarçoveyê de biryar hatin girtin û ji raya giştî re hatin aşkerakirin. Hêzên Azadî û Demokrasiya Kurd îro jî nêzîkbûneke bi heman rengî diparêzin.
Lê divê ev nêzîkahî bersiva xwe jî bibînin. Nezîkbûn û gavên yekalî yên heta niha hatin avêtin mîna tê xwestin nehatin bersivandin, her wiha ev yek berovajî hatin şîrovekirin û mîna zeîf an jî lawaziyê hatin dîtin.
Bi vê yekê jî sînor neman û xwestin vê rewşê li dijî Hêzên Azadî û Demokrasiya Kurd bikar bînin. Komploya Navnetewî ya li dijî Rêber Apo jî di demeke wisa de pêkanîn. Bêguman mafê kesî tune ye van tiştan bijî û bi gelê me bide jiyîn. Gelê me nîşan da ku ew ê careke din destûrê nede ku tiştekî wisa bibe û heman tiştan bijî.
Raperina Demokratîk ya gelê me ji 15’ê Sibatê da destpêkirin, bi pîrozbahiyên Newrozê gihand asta herî bilind, tevî hemû astengî û hîleyan bi îradeya xwe ya di sindoqan de nîşandan ev helwesta xwe bi rengekî zelal raxiste ber çavan.
Gelê me bi tekoşîna demokratîk a bilind kiriye nîşan daye ku li Tirkiyeyê aştiyeke mayinde û konferanseke di navbera kurdan de wê çawa pêk were û bi xwedîderketina Rêber Apo û pîvanên wî nîşan da ku ev yek çawa dikarin pêk werin.
Heger bi rastî tê xwestin li Tirkiyeyê aştiyeke mayinde saz bibe û konferanseke di navbera kurdan de pêk were û encam bê bidestxistin ji bicihanîna van pîvanan pêde ne tiştekî werê kirin heye ne gotineke bê gotin maye.
- Ayrıntılar
Ji gelê me û rayagiştî re!
Em di 60’emîn salvegera Roja Vejînê ya Rêber Apo de, ku her kêliya jiyana me watedar kiriye û bi hebûna xwe bûye çavkana moralî, bi rêzdarî silav dikin û em soz didin ku di ronahiya keda pîroz ku bo me daye, em ê têkoşînê bilind bikin û bibin xwedî kedeke herî mezin.
4’ê Avrêlê ne tenê rojbûyîna Rêber Apo ye, rojbûyîna hemû gelê kurd e. 4’ê Avrêlê li hember zordestî û koletiyê, roja vejîna rastiyê û azadiyê ye. Û em careke din coşa pîrozkirina vê rojê jiyan dikin.
Di pêvajoya ku em tê de ne, pîrozkirina 4’ê Avrêlê ji me re coşeke cuda ye. Digel plan û lîstikên hêzên emperyalîst û hêzên noker ên li hember tevgera me, gelê me di Newroz û hilbijartinan de vîna xwe diyar kir û wekî diyariyeke herî bi wate ji Rêber Apo re şandin. Wê hêzên fedayî yên Rêber Apo û gelê kurd, ji bona ku baştir layîqî van diyariyan bibin, ji her demê bêtir di wê biryarîbûnê de ne ku peywirên xwe bînin cî û asta têkoşînê bilind bikin. Pêvajoya ku em tê de asta ku em gihîştinê, tu hêz nîn e ku vîna azad û biryarîbûna gelê me derbas bike. Divê baş bê zanîn ku, ev hêz wisa bixwe bi pêş neketiye. Ev hêz di serî de bi ked û hewldanên Rêber Apo û şehîdên me yên leheng, bingeheke rêxistî ku qet neheje afirandiye.
Em wekî gerîlayên HPG’ê, roja 4’ê Avrêlê wekî roja vejîna xwe dibînin. Li hember serokatiya me û tevgera azadiya hemû êrîşên ku bi pêş dikevin, em didin zanîn ku bi 4’ê Avrêlê bi nasnameya xwe, vê yekê bikin wesîleya vejîna azad û em ê bi rûmeta xwe liberxwe bidin. Em hemû hesret û coşa gelê xwe, ya dayîk û jinan û ya zarokan dimeşên wan de, di jiyana wan de ji warên azadiyê parve dikin. Didin diyarkirin ku yekem hinceta jiyana me ji bona azadiya serokatiyê jiyankirin û ji bona azadiya serokatiyê têkoşînkirin e.
Di vê bingehê de em 61’emîn roja vejîna Rêber Apo, ji bona ku veguhezînin roja azadiyê, em ê di asta herî jor de bibin xwedî kedê. Ev ji bona me deynekî şerefî ye. Careke din bi vê wesîleyê roja vejîna serokatiya xwe û ya gelê xwe pîroz dikin.
Bijî Rastiya Vejînê ya 4’ê Avrêlê!
Bijî Rêber APO!
3 Avrêl 2009
Fermandariya Biryargeha Navendî ya HPG’ê
- Ayrıntılar
Ji gelê me û rayagiştî re;
Di 2'yê avrêlê de saet di navbera 19:00 – 21:00'an de eydî artêşa dagirker a tirk du firokeyên kobra êrîş birine ser qadên Ava Hecîbeg, Tengava Katûnê û Girê Ronahî ku girêdayî bajarê Diyanayê ne.
3 Avrêl 2009
Navenda Ragihandina Çapemeniyê ya HPG’ê
- Ayrıntılar
Di 1’ê avrêlê de saet di navbera 12:00 – 15:00’an de ji hêla artêşa dagirker a tirk ve li hember qadên derdora Sêgoşeya Helenka û Hecîbeg û gundên Sîlwan, Xerez û Keklîkê ku girêdayî herêma Xakurkê ku bi ser Qadên Parastina Medyayê ne, êrîşeke bi hawan û obûsan hatiye lidarxistin.
2 Avrêl 2009
Navenda Ragihandina Çapemeniyê ya HPG’ê
- Ayrıntılar
Yên ku pêşeroja azadiya gelan diyar dikin, rêber û lehengên wî gelî ne. Gelê ku lehengên destanên wisa derdixînin nîn bin, wê ew gel ji qada dîrokê winda bibe. Ji ber ku gel, bi lehengên xwe ji nû ve vedijin û xwe digihînin rizgariyê.
Di nava vî salî de bi şehîdên hatin dayîn, PKK di dilê gelê me de veguheziya partiya şehîdan. Tevgera partîbûyînê ku bi Heqî Qareran destpêkir, bi Mazlûm Dogan, Xeyrî Dûrmûş, Berxwedana Çaran û bi Kemal Pîran hovîtiya zîndanê parçe kir û veguheziya rastiyê û bi Mahsûm Korkmaz, Bêrîtan, Zîlan û hê bi hezaran rêhevalên me yên leheng xwe gihande asta azadiyê. Ev hemû nirxên ku şehîdan afirandiye, bîrdoziya PKK’ê bihêztir kiriye. Bi hêlekî ev mîrateya şehîdan, bîrdoziya PKK’ê ye. Di vê wateyê de mîrateya şehîdan, bûye xeta bîrdoziya me.
PKK partiya şehîdan e. Şehîdên me ji bona me di her şert û mercî de meşale û rênîşander in. Bibîranîna şehîdan, vegotina şehîdan û bi gel re yekbûn, peywireke sereke ya têkoşîna me ye.
Ji ber vê yekê li hember van polîtîkayên tunekirin û jiholêrakirinê yên li hember gelê me û li hember serokatiya me, em her neferek lehengên vê karwana şehîdan bi bibîranînê wekî peywir dizanin.
Rêheval Azad (Mehmet Şahîn) jî bi layîqiya rihê tolhildana gelê kurd, xwe danî holê û di nava nemiran de ciyê xwe girt. Di şexsê rêheval Azad de em soz didin ku, em ê layîqî mîrateya ku şehîdan ji me re hiştiye bin. Ev peywira sereke ya hemû milîtanên HPG’ê ye. Di vê bingehê de di serî de li malbata Şahîn û ji hemû gelê Botanê re sersaxî dixwazin. Careke din soza ku em ê bi rihê Pêngava 1’ê Hezîranê hetanî ku em têkoşîna xwe serfiraz bikin didin.
Sal û ciyê şehadetê: 1997 / Kelareş
2 Avrêl 2009
Fermandariya Biryargeha Navendî ya HPG’ê
- Ayrıntılar
Ji gelê me û rayagiştî re!
Di sê mehên destpêkê yên sala 2009’an de ji hêla artêşa dagirker a tirk ve li hember hêzên gerîlayên me yên HPG’ê gelek êrîş û operasyon hatine lidarxistin. Ji van operasyonan hinek ji wan ji hêla me ve hatine zelalkirin, bes hinek ji wan ji ber zirûfên zivistanê piştî ku hatin zelalkirin em ê bi gelê xwe re parve bikin.
Bîlançoya şer a mehên Çile, Sibat û Adarê:
| Êrîşên Hewayî | 5 (2 Zagros, 2 Xakurkê, 1 Zap) |
| Êrîşên bi Hawan û Obûsan | 19 (5 Xakurkê, 8 Zap, 4 Zagros, 2 Heftanîn) |
| Destdan(temas) | 1 |
| Hevalên me yên ku şehîd ketine | 9 |
Navenda Ragihandina Çapemeniyê ya HPG’ê
- Ayrıntılar
Rêber APO
Ez jî dibêjim ku, ku hûn azad bibin, wê piştre kar û xwarin were. Azadiya siyasî girîng e. Civakeke ku azadî û têgihîştina wê ya siyasî nîn be, ew civak kole ye. Ger ku têgihîştina we ya siyasî û ehlaqî nîn be, nexwe hûn di rewşa koleyan de ne. Azadî û têgihîştina we ya siyasî û ehlaqî nîn be, hûn ê çawa bikaribin civaka xwe, malbata xwe, keça xwe biparêzin? Feraseta namûsê, bi awayê feraseteke berevajî li ser zayendîbûna jinê saz bûye. Feraseta min a namûsê tê zanîn. Ji bona rizgariyê divê civak, civakeke ehlaqî û polîtîk be. Civakeke ku têgihîştina wê ya siyasî, ehlaqî, kevneşopî, irfî nîn be, wê nikaribe di civakê de xwe, civaka xwe, malbata xwe û keça xwe biparêze. Ku vanan nîn bin ew civak qediyaye. Min di parêznameyên xwe de bi awayekî berfireh vanan daxuyand. Ma parêznameyên min hatin weşandin? Divê bê weşandin û her kes bixwîne.
Ji bona konferansê jî vanan diyar dikim: Ya bi Filîstinê re têkildar ma ne wisa ye? Rast e, eynî wisa ye, destpêkê pêvajoya Madrîd piştê wê ya Oslo destpêkir. Dişibe wê pêvajoyê. Ji bona konferansê niha vê bêjim. Ehmed Turk dikare ewk bike. Wê li Amedê Kongreya Civaka Demokratîk bi awayekî awarte , bi awayekî piştî hilbijartinê bi lezgînî li hev bicive. Li wir der barê konferansê de rêgez bêne diyar kirin, nîqaş bikin, dikarin di seroktiya Ehmed Turk de bi heyetek herin konferansê. Min berê ji bona konferansê şertê pênc rêgezî anîbû ziman. Vanan wê di konferansê de bêne nîqaşkirin. Ne pêwîst e ku vanan dubare bikim. Min pêşniyara pênc rêgez û sê pratîkî kiribû. Wekî pratîkî vanan pêşniyar dikim.
Di vê konferansê de;
1- KNK xwe birêxistin bike. Wisa ne mîna dewleta li başûr, wê bi awayekî sivîl û serbixwe xebatên xwe birêve bibin. Di nava KNK’ê de wê nûnerê her parçeyê hebe. Bi vî awayî temsîliyeta her parçeyî bi dest bixe. KNK, dibe ku bi tarza FKO be. Di nav de PDK jî dibe, YNK jî dibe.
2- Dikarin di konferansê de Lijneyeke Birêvebirinê ya ku peywira îcrayê bike pêk bînin. Ev Lijneya Birêvebirinê, erka dîplomatîk jî di nav de wê peywiran îcra bike. Wê ev lijne(kurul) xebatên dîplomatîk ên vekirî birêve bibe. Hema wisa mîna ku Barzanî bi çil dewletî re veşartî hevdîtinan dike nabe. Ji wan re jî vê dibêjim: Ev wisa nabe. Ku tu veşartî bi 40 dewletî re hevdîtin bikî, wê demê tu yê bibî ajan.
3- Li başûr pêşmergeyên ku yekîneyên kurd in hene. Hêzên çekdar ên PKK’ê jî, bi pêşmergeyan re veguhezînin hêzên netewî yên kurdan. Dikarin veguhezînin hêzên parastina gel ku parastin û ewlekariya hemû kurdan ji qirkirinan û tiştên dikin. Wê peywira parastina kurdên çar parçeyan bigirin ser xwe.
4- Di vê konferansê de wekî pêşniyareke pratîk, Komîsyona Lêkolînkirina Edalet û Rastiyan saz bikin. Encax ev komîsyona edaletê, ne tenê ji bona Tirkiyê, wê ji bona her çar parçeyan jî saz bibe û heqîqetan lêkolîn bike. Wê rewşa li Îranê lêkolîn bike, wê rewşa li Sûriyê lêkolîn bike, wê li Iraqê lêkolîn bike, rewşa li Tirkiyê bi dest bigire.
Ji bona konferansê pêşniyara şertê pênc rêgezî û çar pêşniyarên pratîk raber dikim. Wê vanan di konferansê de bê nîqaşkirin.
Ji şertê pênc rêgezî yekemîn, rêgezên civakî û aborî wekî şertek rêgezî bê qebûlkirin. Wê di çarçoveya vî rêgezî de, destpêkê kurd di nav xwe de têkiliyên aborî û civakî pêk bê û vê yekê di asta dewletan de bikin.
Duyemîn, rêgeza çandî. Li ser navê çanda kurdan çi hebe, wê vanan bixe bin ewlehiyê. Wê azadiya çandê pêk bê.
Sêyemîn, rêgeza yekîtiyê. Ev tê wateya ku kurd di nav xwe de yekîtî û têkiliyan bi pêş bixin. Wê hemû kurd bi hev re têkilî deynin û bi hev re tevbigerin.
Rêgeza çaremîn, rêgeza demokratîkbûnê. Ev tê wateya ku kurd bi gelên din re bi hev re jiyan bikin. Min ev berê wekî konfederalîzma demokratîk bi nav kiribû.
Pêncemîn, rêgeza parastina rewa ya gel. Her gel hêzeka wê ya parastina rewa heye. Ev, ji bona hebûna wî gelî pêwîstiyek e.
Ev konferans, niha dibêjim, bila bibe konferanseke neşerkirinê. Bêçekbûn mijareke cuda ye. Ev, wê cuda bê nîqaşkirin. Çek nayê dayîn. Her gelek xwedî hêzelek parastina cewherî ye. Ku konferans veguheze bêçekbûnê, ez dibêjim beşdar nebin. Divê destpêkê zirûfa neşerkirinê pêk bê. Divê temaya bingehîn ev be. Konferans encax dikare vê bike. Ku bikaribe vê bike, wê ji bona pêvoyên din rêgez bêne diyarkirin.
Navê konferansê jî Konferansa Lihevhatina Demokratîk û Aştiyane dibe. Wê DTP beşdarî vê konferansê bibe. Wê Kongreya Civaka Demokratîk bi lezginî li Amedê kongreya xwe çêbike. Hejmara beşdarvanan wê bê firehkirin, her kesî beşdarî konferansê bikin, ji bona kongreyê bi awayekî berfireh li hev bicivin. Navê konferansa ku li Amedê bê kirin jî pêşniyar dikim ku bila Konferansa Lihevhatina Demokratîk û Aştiyane be. Wê di vê kongreyê de rêgez bê nîqaşkirin, bêne diyarkirin û bi awayekî amade bi lijneyek beşdarî konferansê bibin. Wê Ehmed Turk û lijne here bi Barzanî û Talabanî re hevdîtin bike. Divê di lijneyê de jin jî hebin. Her hal ji karên derve Sabahat berpirse. Bila ew jî beşdar bibe. Jê re silavên min ragihînin. Dikarin bangî nûnerên Emerîka û Ewropa jî bikin. Ji bona min nabe pirsgirêk. Dikarin bi vî navî li Ewropa jî konferans bikin. Ji bona konferansê dikarin nêrînên min ragihînin Barzanî û Talabanî. Ev dibe bi nameyê be jî.
Ez li vir im ne dijberê tu kesî me. Dikarin bi her kesî re hevdîtin bikin. Ku bikaribin bi Emerîka û Ewropa re lihevbikin dikarin li hev bikin. Herî zêde aştiyê em dixwazin. Encax der barê konferansê de vê dibêjim; ku beşdar bibin wê beşdarêi encamên wê jî bibin. Ku beşdar nebin jî wê beşdarî encamên wê nebin. Ya ku ez bêjim ev e; rêgezên min hene, xeta min heye, fikrên min hene. Ez kesek xwedî xet im. Her tiştî jî di vê çarçoveyê de dinirxînim. Divê ev rast bê teyisandin.
Dibe ku ev konferans bibe Lozana kurdan. Çawa ku bi Lozanê komar ava bû, wê bi vê, yanî bi Lozana kurdan jî Komara Demokratîk ava bibe. Komara Demokratîk, jixwe lihevhatina demokratîk e. Wê lihevhatina herdu gelan, bi xwe re demokrasiyê bîne. Avabûna komarê çiqas girîng be, demokratîkbûyîna komarê jî bi qasî sazbûna komarê girîng û bi wate ye.
*Beşek ji hevdîtina 14’ê adara 2009’an ya Serokatiya Partiyê
- Ayrıntılar
Wê encamên hilbijartinan demeke dirêj bê nîqaşkirin. Ji ber ku ev saleke di serî de hêzên emperyalîst Emerîka, Îngîltere û Îsraîl, hêzên başûr ên kurd Barzanî û Talabanî her çiqas piştî serkeftina kurdên bakur gotinên xwe guhertin, çi ji destê wan hat kirin. AKP ne wekî partiyeke asayî kete hilbijartinê, ew bi hemû van destekan li Kurdistanê kete hilbijartinê. Lewre hêzên demokratîk ên kurd mirov dikare bêje, li hember NATO’yê ketin hilbijartinê. Ji ber vê yekê bi dest xistina 98 şaredarî, hêlên kêm hebin jî encameke serkeftî ye.
Milê herî girîng a hilbijartinê jî ev bû, konsepta tunekeririnê şikand. Li gorî hesabên Emerîka, hêzên başûr û dewleta tirk, wê AKP li Kurdistanê li ser biketana, piştre wê AKP bigotana ez nûnerê kurda me û di dawiyê de jî bi “Konferanseke Netewî ya Kurd” jî bang li PKK’ê bihatana kirin da ku dev ji çekan berde. Pê re jî lîstikên qirêj û mirina deh hezaran ciwanî... Lê niha ev şikest. Niha Barzanî dibêje ku, ez ji nûçeyan pê hisiyam; Talabanî dibêje, min filan gotinê negotiye. Ya misoger ev e ku hesabê hemû van hêzan ser û bin bû.
Milekî din vê hilbijartinê, hem daxwaza gel hem jî daxwaza namzetên DTP’ê bi awayekî aşkere, azadiya Rêber Apo bû. Ji ber vê yekê, careke din gelê me destnîşan kir ku Rêber Apo vîna wan a azad e û hemû ray ji Îmraliyê re hatin dayîn.
Li warên azadiyê jî, gerîlayan jî li gorî derfetan hilbijartinê şopand. Li Botan, Amed, Serhed, Mêrdîn, Qendîl, Zap û li hemû deverên ku gerîla lê ne, coşa gelê me çiyayên Kurdistanê bi rihê Newrozê xemilandin. A rast mirov bibêje di nava gerîlayan de şahî û hêr di nav hev de bû. Coşa herî mezin jî, bidestxistina bajarê Wan û Sêrtê bû. Dîsa dewlet riyê xwe yê qirêj careke din nîşan da û li bajarên mîna Mêrdîn, Çewlik, Qers, Mûş û Agirî serî li bêzagonî û hîleyan da. Lê encam çi dibe bila bibe, li van çardeh bajarên Kurdistanê, gelê me bi rayên xwe nexşeya Kurdistanê nîgar kirin.
Di serî de em dayîk, kal, ciwan, jin û hemû welatparêzên li Amed, Sêrt, Wan, Şirnex, Colemêrg, Dersîm, Ixdir, Batman û dîsa gelê me yê leheng ên li Mêrdîn, Çewlik, Qers, Mûş û Agirî ji çiyayên azadiyê, bi germahiya dilê gerîla, li ser navê hemû gerîlayên HPG’ê pîroz dikin. Dîsa gelê me yên ku li metrepolên tirkan jiyan dikin, di serî de Stenbol û Mersînê silav dikin û bi hêviya ji her demê bêtir xebatkirin û rêxistinbûnê dixwazin.
Ray rûmet e û li çend bajarên Kurdistanê dijmin hewl da vê rûmetê bin pê bike. Lewre gelê me yê Agirî divê van hîleyan qebûl neke û bi piştgiriya hemû bajarên Kurdistanê berteka xwe bi hişkî nîşan bide. Heman tişt ji bona Mêrdîn, Tekman Erziromê, Bîtlîsê jî derbas dibe. Dîsa li Xelfetiyê her çiqas dijmin li aşkere aşkere şaredariyê ji destê DTP’ê derxist jî, di dilê me de Xelfetî bi ser ket û hemû dengên ku hatin dayîn gihîştin ciyê xwe. A rast li hember vê, divê li hemû Kurdistanê bertek bihatana nîşandan. Lê bila baş bê zanîn ku, ew şaredarên ku bi hîle, bi dek û dolaban û bi zora leşker û polîsan şaredariyan bi dest xistine, wê bêhesap nemînin. Li ser xwîna vî gelî li qoltixan rûniştin wê wisa hêsan nîn be.
Di vê hilbijartinê de digel ku dewlet bi hemû sazî, partî û artêşa xwe, bi hêzên demokratîk re, bi awayekî newekhev kete hilbijartinê, gelê me yê leheng vîna xwe nîşan da û li hember hemû dinyayê nîşan da ku, ew wisa rûmeta xwe nafiroşe. Gelê me di asta herî jor de bersiv da dewleta dagirker û qet tenezûlî hewldanên dewletê yên rûmetşikestinê nekir.
Dîsa bidestxistina Dihê(Eruh) ku ji bona têkoşîna me mîladek bû û warê lêdana guleya yekemîn li mejiyê sîstema faşîst e, di hefteya lehengiyê de, ji bona me pîroz bû û gelê Dihê girêdana xwe ya bi şehîdan re, girêdana xwe ya bi fermandarê nemir Egîd re nîşan da.
Encama hilbijartinan vê derxist holê ku, li ciyên ku baş xebat hatine kirin, encam hatiye bi dest xistin. Lewre, ji her demê bêtir xebat!
Di pêşerojê de, ji îro de divê em xebatên xwe gûrtir bikin. Ji ber ku bidestxistina rêveberiyên herêmî milek têkoşînê yê girîng e. Têkoşîna me lêgerîna jiyana azad e. Têkoşîna me afirandina welatekî azad e. Têkoşîna me bi azadiya Rêber Apo re, azadiya her çar parçeyê Kurdistanê ye. Ji ber vê yekê, divê em ji her demê bêtir bixebitin. Ji bona ku Konfederelîzma Demokratîk li Kurdistanê saz bikin û ji bona civakeke ehlaqî û polîtîk saz bikin, wê şaredarî bibin pireyek.
- Ayrıntılar